កូវីដ២២ សាហាវជាងកូវីដ១៩ ៣ដង បើឆ្លងដល់មនុស្ស​

ថៃ៖ អនុប្រធានគណៈកម្មការសុខភាពសាធារណៈថៃ លោក Chalermchai Boonyaleephan បាននិយាយកាលពីម្សិលមិញថា ក្រុមអ្នកស្រាវជ្រាវចិន នៅទីក្រុង Wuhan បានព្រមានឱ្យមានការប្រុងប្រយ័ត្ន លើប្រភេទសត្វប្រចៀវ ដែលគេស្គាល់ថាជា វីរុសកូរ៉ូណាដែលអាចមានសក្តានុពលឆ្លងខ្លាំង និងសាហាវជាងកូវីដ១៩ ដល់ទៅ ៣ដង។

Boonyaleephan បាននិយាយថា ប្រសិនបើមេរោគនេះ មានបម្លែងខ្លួន និងឆ្លងទៅកាន់មនុស្ស វាអាចក្លាយជា “Covid-22”ហើយនៅទីបំផុត ជាជំងឺផ្លូវដង្ហើមប្រភេទ “MERS-CoV-2”។ ក្នុងនោះ "NeoCoV" ត្រូវបានគេកំណត់អត្តសញ្ញាណដំបូងក្នុងឆ្នាំ 2011 ហើយមិនត្រូវបានគេស្គាល់ថាឆ្លងដល់មនុស្សទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយមេរោគប្រភេទនេះ មានលទ្ធភាពរោគសញ្ញាធ្ងន់ធ្ងរ ជាងកូវី១៩ ដល់ទៅ៣ ដង ដោយអត្រាស្លាប់ច្រើនជាង ៣០% ដែលជាចង្កោមមេរោគសាច់ញាតិជាមួយនឹង MERS ។ ជំងឺកូវីដ២២ នឹងសម្លាប់មនុស្ស ១៧ លាននាក់ បើប្រៀបធៀបទៅនឹង កូវីដ១៩ ដែលបានសម្លាប់ ៥.៦៧ លាននាក់។

អ្នកស្រាវជ្រាវនៅសកលវិទ្យាល័យ Wuhan បានចេញផ្សាយការស្រាវជ្រាវ កាលពីសប្តាហ៍មុននៅលើគេហទំព័រ bioRxiv ដែលពួកគេកំណត់អត្តសញ្ញាណមេរោគនៅក្នុងសត្វប្រចៀវអាហ្វ្រិកខាងត្បូងដែលអាចក្លាយជាគ្រោះថ្នាក់ដល់មនុស្ស ប្រសិនបើវាបន្តការផ្លាស់ប្តូរ ។

បច្ចុប្បន្នត្រូវបានគេដាក់ឈ្មោះថា "NeoCoV" ការស្រាវជ្រាវបានព្រមានថា វីរុសគ្រាន់តែត្រូវការការផ្លាស់ប្តូរដ៏សំខាន់មួយបន្ថែមទៀតដើម្បីឆ្លងដល់មនុស្ស។

ជាមួយគ្នានោះដែរ អង្គការសុខភាពពិភពលោកបាននិយាយ កាលពីថ្ងៃសុក្រសប្តាហ៍មុនថា NeoCoV ចាំបាច់ត្រូវ សិក្សាបន្ថែមទៀតនិងបន្ទាន់ ដើម្បីឱ្យដឹងប្រាកដថា តើវានឹងឆ្លងដល់មនុស្សនាពេលអនាគតដែរឬទេ៕

ប្រភព៖ Thaiger