នៅខាងក្រៅ ទឹកមុខ Angelababy ឡើងសោកសៅ ក្រោយចែកផ្លូវជាមួយស្វាមី

ចិន៖ មកទល់នឹងពេលនេះ រឿងរ៉ាវលែងលះគ្នារបស់អតីតគូស្វាមីភរិយាដ៏ល្បី រវាង តារាស្រី Angelababy និង លោក Huang Xiaoming នៅតែបង្កការចាប់អារម្មណ៍ និងការតាមដានពីទស្សនិកជនជាច្រើន ព្រមទាំងមានការសោកស្តាយ ចំពោះចំណងស្នេហារយៈពេល ១៣ ឆ្នាំ ក៏ដូចជា សកម្មភាពរីករាយរាប់មិនអស់រវាងអ្នកទាំងពីរ ផងដែរ។ 

ម៉្យាងវិញទៀត បច្ចុប្បន្ននេះ តារាប្រុសស្រីទាំងពីររូបនេះ កំពុងរងសម្ពាធយ៉ាងខ្លាំងពីមតិសាធារណៈជន ដែលរាល់ការបង្ហាញខ្លួន របស់អ្នកទាំងពីរបានទាក់ទាញការយកចិត្តទុកដាក់យ៉ាងខ្លាំងទៀតផង។ ជាពិសេស ថ្មីៗនេះ តារាស្រី Angelababy ស្រាប់តែបានលេចមុខនៅអាកាសយានដ្ឋានសៀងហៃ ហើយនេះគឺជាលើកទីមួយ ដែលរូបនាងបានបង្ហាញមុខ នៅពីមុខកាមេរ៉ារបស់ប្រព័ន្ធផ្សព្វផ្សាយ ក្រោយបញ្ចេញដំណឹងលែងលះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យកត់សម្គាល់នោះគឺ តារាស្រីរូបនេះ បែរជាបង្ហាញសម្រស់ និងទឹកមុខហាក់ដូចជាមានភាពហត់នឿយ ព្រមទាំងគ្មានការតុបតែងមុខខ្លាំង ថែមទៀត។ លើសពីនេះ តាមរយៈរូបភាពដែលបានបង្ហាញឡើងនោះ បានធ្វើឲ្យអ្នកលេងបណ្ដាញសង្គមមើលឃើញថា ភ្នែករបស់នាងហាក់ដូចជាមានសភាពហើ.មបន្តិច ទៀតផង។ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន