នៅតែមានមិត្តភាពល្អ តាវ មីងស៊ឺ អបអរគូស្នេហ៍ចាស់ដែលបានសម្រាលកូនជោគជ័យ

តៃវ៉ាន់៖ ថ្មីៗនេះ យោងតាម ទំព័រដ៏ល្បី​​163 បានឲ្យដឹងថា ពីដំបូងឡើយ តារាសម្ដែងប្រុស លោក Jerry Yan មានការភ្ញាក់ផ្អើលយ៉ាងខ្លាំង នៅពេលដែលបានឮដំណឹងថា តារាស្រី Lin Chi Ling បានសម្រាលកូន ព្រមទាំងធ្វើការសួរនាំ ទៅលើរឿងនេះ ថាតើព័ត៌មាននេះ គឺជាការពិតឬយ៉ាងណា។

មិនត្រឹមតែប៉ុណ្ណោះ ក្រោយពីបាន​បញ្ជាក់ពីការពិតរួចហើយនោះ តារាប្រុសរូបនេះ ​ក៏​បាន​អបអរ​សាទរដល់នាង ក៏ដូចជាក្រុមគ្រួសារទាំងមូល ទៀតផង ហើយនេះក៏អាចបង្ហាញឲ្យឃើញនូវមិត្តភាពដ៏ល្អរបស់តារាប្រុសស្រីអ្នកទាំងពីរ បើទោះបីជាចែកផ្លូវគ្នាទៅហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំឮកផងដែរថា តារាប្រុស លោក Jerry Yan និង តារាស្រី Lin Chi Ling ធ្លាប់ត្រូវបានមនុស្សជាច្រើន តាមដាន និងលើកឡើងថា បានស្រលាញ់គ្នាយ៉ាងជ្រាលជ្រៅ អស់រយៈពេលជាច្រើនឆ្នាំមកហើយ  ប៉ុន្តែនៅទីបំផុត អ្នកទាំងពីរ នៅតែមិនបានជួបគ្នា ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន