ម៉េចទៀតហើយ ពេលនេះ រកឃើញ «កូនប្រុសអូមីក្រុង» ក្នុងប្រទេសអូស្ត្រាលី​

អូស្ត្រាលី៖​ អាជ្ញាធរអូស្រ្តាលី ​បាន​បញ្ជាក់​ថា ប្រភេទមេរោគអូមីក្រុង ដែល​​ឆ្លង​ខ្លាំង​ជាង​ប្រភេទ​ដើម ឬត្រូវបានគេហៅថា «កូនប្រុសរបស់អូមីក្រុង» ​ត្រូវ​បាន​រក​ឃើញ​ក្នុង​ប្រទេស​អូស្ត្រាលីហើយនាពេលនេះ។ នេះបើតាមការចុះផ្សាយរបស់សារព័ត៍មាន Daily Mail។

ប្រភេទរង BA.2 ថ្មី បានឆ្លងរាលដាលពាសពេញអឺរ៉ុប និងមានចំនួន ៤៥ ភាគរយហើយនៃករណីឆ្លងមេរោគទាំងអស់ នៅក្នុងប្រទេសដាណឺម៉ាក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទោះជាយ៉ាងណាក៏ដោយ អ្នកវិទ្យាសាស្ត្របារម្ភថា វាអាចពិបាកតាមដានជាងប្រភេទមុនៗ ព្រោះវាពិបាកក្នុងការពិនិត្យមើលតាមរយៈ ម៉ាស៊ីន PCR។

នៅក្នុងសេចក្តីថ្លែងការណ៍មួយ អ្នកនាំពាក្យរបស់ក្រសួងសុខាភិបាលអូស្រ្តាលី បាននិយាយថា៖ រដ្ឋ និងដែនដីភាគច្រើននៅក្នុងប្រទេសអូស្ត្រាលី បានរកឃើញចំនួនទាបបំផុតនៃមេរោគអូមីក្រុងប្រភេទ BA.2 Omicron sub-variant BA.2 នៅក្នុងសំណាកផ្លូវដង្ហើមដែលបានដាក់ជូនសម្រាប់ការធ្វើតេស្ត។

សាស្ត្រាចារ្យ Nancy Baxter នៃសាកលវិទ្យាល័យ Melbourne បាននិយាយកាលពីថ្ងៃព្រហស្បតិ៍ថា ទិន្នន័យដំបូងបង្ហាញថា BA.2 អាចឆ្លងលឿនជាង BA.1 ធម្មតា។ ក្នុងនោះ សាស្ត្រាចារ្យ Nancy Baxter បានបញ្ជាក់ថា មានវីរុសបម្លែងខ្លួនមួយប្រភេទទៀត ដែលគេឱ្យឈ្មោះថា «កូនប្រុសរបស់មេរោគអូមីក្រុង» ដែលស្ថិតក្នុងសម្ព័ន្ធបងប្អូនជីដូនមួយរបស់អូមីក្រុង។

ក្នុងនោះ មេរោគបម្លែងថ្មីប្រភេទ BA.2 ក៏ត្រូវបានរកឃើញ នៅចក្រភពអង់គ្លេស ស៊ុយអែត និងន័រវេសផងដែរ ខណៈការស្រាវជ្រាវបន្ថែម កំពុងដំណើរនៅឡើយ៕