លែងគ្នាមិនបានប៉ុន្មាន Huang Xiaoming បង្ហាញខ្លួនជាមួយនារីវ័យក្មេងរូបនេះ

ចិន៖ អាចនិយាយបានថា បន្ទាប់ពីប្រកាសលែងលះគ្នា បញ្ចប់ទំនាក់ទំនងប្ដីប្រពន្ធរួចមក តារាស្រី Angelababy និង អតីតស្វាមី លោក Huang Xiaoming បានទាញយកចំណាប់អារម្មណ៍សាធារណជនមិនឈប់ឈរនៅក្នុងការបង្ហាញខ្លួន ក៏ដូចជា សកម្មភាពផ្សេងៗជាច្រើនទៀត។

ក្នុងនោះដែរ សម្រាប់លោក Huang Xiaoming ហាក់ដូចជា ទទួលបាននូវការលើកឡើងអវិជ្ជមាន ក្រោយពីបានចែកផ្លូវគ្នានេះ ដោយត្រូវបានមនុស្សជាច្រើន កើតការសង្ស័យពីទំំនាក់ទំនងស្នេហាថ្មី ជាមួយនឹងនារីវ័យក្មេងដែលមានរូបសម្រស់ស្រស់ស្អាតម្នាក់ ខណៈដែល តារាប្រុសរូបនេះ មិនបានចេញមកបកស្រាយអ្វីឡើយ ប៉ុន្តែខាងនារីរូបស្អាត ក៏បានចេញមកបដិសេធទៅលើរឿងនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រៅពីនេះ នៅលើបណ្ដាញសង្គមថ្មីៗកន្លងទៅ ស្រាប់តែមានការបង្ហាញរូបភាព របស់ លោក Huang Xiaoming ជាមួយនឹងនារីវ័យក្មេងម្នាក់ទៀត ព្រមទាំងនាំមកជាមួយនឹងទឹកមុខញញឹមស្រស់ស្រាយ មានស្មារតីយ៉ាងល្អ ទៀតផង ដែលធ្វើឲ្យហ្វេនៗបានចោទជាសំណួរនិងសង្ស័យទៅលើទំនាក់ទំនងមួយនេះ ផងដែរ។ 

តែទោះយ៉ាងណា ភ្លាមៗបន្ទាប់ពីនោះ នារីវ័យក្មេងរូបស្រស់ម្នាក់នេះ ដែល Huang Xaioming បានបង្ហាញខ្លួនជាមួយនឹងនោះ ត្រូវបានគេដឹងការពិតថា គឺជាបងប្ងូនជីដូនមួយ ដែលមានឈ្មោះថា Chen Meng និងជា កីឡាការិនីវាយកូនបាល់លើតុ ព្រមទាំងបានឈ្នះមេដាយមាសលើកទី ១៥ នៅក្នុងព្រឹត្តការណ៍កីឡាអូឡាំពិកទីក្រុងតូក្យូ ២០២០ កន្លងទៅនេះ៕ 

ប្រភព៖ Eva.vn

សូមទស្សនារូបភាពខាងក្រោម៖ 

• តារាចិន