ខំធ្វើម៉ាសចេញថ្មី បិទតែច្រមុះ ដើម្បីស្រួលញាំ មានអី ត្រូវគេរិះគន់ខ្លាំង

កូរ៉េខាងត្បូង៖ ថ្មីៗនេះ របាំងការពារមេរោ.គកូវីដ១៩ ដែលបិទបាំងតែច្រមុះ កំពុងតែទទួលបានការចាប់អារម្មណ៍ និងមានការដាក់លក់យ៉ាងច្រើននៅប្រទេសកូរ៉េខាងត្បូង ដោយអាចពាក់បាន ពេលកំពុងផឹក ឬញ៉ាំអាហារ។ 

ក្នុងនោះដែរ ប្រភេទម៉ាស ឬរបាំងការពារមេរោ.គមួយនេះ ត្រូវបានបញ្ចេញដោយក្រុមហ៊ុនមួយឈ្មោះថា Atman ហើយបានដាក់លក់ក្នុងតម្លៃ ៩៨០០ វ៉ុន (ប្រហែល ៨ ដុល្លារ) ក្នុងមួយប្រអប់ ហើយវា​មាន​ពីរ​បំណែក ដែល​មួយ​ក្នុងនោះ អាច​យក​ទាញចេញ​ ដើម្បី​មិនគ្របទៅលើមាត់។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ របាំងមុខមិនធម្មតាមួយនេះ បានទាក់ទាញចំណាប់អារម្មណ៍យ៉ាងខ្លាំង នៅលើអ៊ីនធឺណិត ខណៈដែលមានមតិរិះគន់ជាច្រើន​ បានលើកឡើងពី ភាពល្ងង់ខ្លៅ បែបនេះ និងបាននិយាយថា ការប្រើប្រាស់មួយនេះ គឺមិន​ខុស​ពី​មនុស្ស​ដែល​ពាក់​ម៉ាស​ ក្រោម​ច្រមុះ​របស់​ពួក​គេ​នោះទេ។

តែទោះបីជាយ៉ាងណាក៏ដោយ ការសិក្សាមួយចំនួនបានណែនាំថា ច្រមុះ នៅតែជាផ្លូវយ៉ាងងាយស្រួលបំផុត សម្រាប់មេរោ.គឆ្លងចូលទៅក្នុងខ្លួន ដូច្នេះ ការពាក់ម៉ាស់បិទច្រមុះប្រហែលជា មិនគួរឱ្យអស់សំណើច ឬការរិះគន់ ដូចដែលបានមើលឃើញនោះឡើយ៕ 

ប្រភព៖ Theguardian.com

សូមទស្សនារូបភាពខាងក្រោម៖