ផ្អើលពេញហ្វេសប៊ុក លោកគ្រូពេទ្យ អង្គុយសំពះ សុំឲ្យបាតុករទៅធ្វើតេស្តកូវីដ (មានវីដេអូ)

រាជធានីភ្នំពេញ÷ កាលពីថ្ងៃទី៤ ខែកុម្ភៈ ឆ្នាំ២០២២ កន្លងទៅនេះ បាតុករដែលជាអតីតបុគ្គលិកនៅណាហ្គាវើលចំនួនជិត មួយពាន់នាក់ បានបន្តធ្វើកូដកម្មដោយសន្តិវិធី លើកទី៤៧ នៅ តាមដងផ្លូវរដ្ឋសភា ជិតស្ថានទូតអូស្រ្តាលី ក្នុងរាជធានីភ្នំពេញ ដើម្បីទាមទារដំណោះស្រាយចំពោះវិវាទការងារជាមួយ ក្រុមហ៊ុន និងអំពាវនាវឱ្យដោះលែងតំណាងពួកគេទាំង ៨នាក់ ដែលត្រូវបានចាប់ខ្លួន។ 

យ៉ាងណាមិញ ក្នុងអំឡុងពេលកូដកម្មនោះ គណៈកម្មការអន្តរក្រសួងសម្រាប់ការប្រយុទ្ធប្រឆាំងនឹងជំងឺកូ វីដ-១៩ នៃក្រសួងសុខាភិបាល ក៏បានចុះទៅពិនិត្យទីតាំង កូដកម្ម ហើយភ្លាមៗនោះមានលោកគ្រូពេទ្យម្នាក់ បានលុតជង្គង់អង្គុយចុះ លើកដៃសំពះសុំឲ្យបាតុករទាំងអស់ទៅធ្វើតេស្តកូវីដ ដោយរូបភាព និងវីដេអូឃ្លីបនោះ បានផ្ទុះកក្រើកពេញបណ្តាញសង្គមតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែរថា ផ្អែកតាមលិខិតមួយច្បាប់របស់ក្រសួងសុខាភិបាលនៃព្រះរាជាណាចក្រកម្ពុជា បានអំពាវនាវឲ្យក្រុមបាតុករដែលជាអតីតបុគ្គលិកនៅក្រុមហ៊ុនណាហ្គា អញ្ជើញទៅធ្វើតេស្តរកមេរោគកូវីដ បន្ទាប់ពីបានរកឃើញស្រ្តីម្នាក់ វិជ្ជមានកូវីដ១៩៕

ចង់ជ្រាបកាន់តែច្បាស់ សូមទស្សនារូបភាពនិងវីដេអូខាងក្រោម÷

• វីដេអូ
• រូបភាព