ពិតទេ? ក្រុមហ៊ុនគ្រឿងសំអាង Selena Gomez ត្រូវគេប្តឹង ទាមទារសំណង ១០លានដុល្លារ ព្រោះរឿងនេះ?

បរទេស៖ នៅដើមឆ្នាំ ២០២២ នេះ សង្រ្គាមរវាងម៉ាកគ្រឿងសំអាងពីរបានផ្ទុះឡើង និងទាក់ទាញការចាប់អារម្មណ៍ពីសាធារណជនច្រើនមែនទែន។ ដោយនៅក្នុងនោះ ពាក្យបណ្ដឹងមួយត្រូវបានដាក់បញ្ជូនទៅតុលាការសហព័ន្ធក្នុងរដ្ឋ Illinois កាលពីថ្ងៃទី ២៩ ខែមករា ពាក់ព័ទ្ធជាមួយម៉ាកគ្រឿងសំអាង Rare Beauty ដែលជាម៉ាកគ្រឿងសំអាងបង្កើតឡើងដោយតារាចម្រៀង Selena Gomez។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះទៀតសោត ម៉ាកយីហោគ្រឿងសំអាងមួយផ្សេងទៀតដែលមានឈ្មោះថា RareBeauty Cosmetics កំពុងស្វែងរកមធ្យោបាយប្តឹង និង​ប្រកាន់​ជំហរ​ទាមទារ​សំណង​ ១០​លាន​ដុល្លារ​ផងដែរ ប្រសិនបើ​ខាង Selena Gomez ​មិន​ចង់​ពាក់ព័ន្ធ​នឹងរឿង​បណ្តឹងនេះ។ ដោយគេបានចោតប្រកាន់ថា ក្រុមហ៊ុន Selena Gomez បានលួចម្លងឈ្មោះគ្រឿងសំអាងដូចទៅនឹងរបស់ពួកគេ ដែលជាហេតុនាំឲ្យអ្នកប្រើប្រាស់ភាន់ច្រឡំថាតើមួយណាជារបស់ពិតប្រាកដ? ហើយក្រុមហ៊ុន RareBeauty Cosmetics នេះក៏បានស្នើសុំឲ្យតុលាការដោះស្រាយរឿងនេះឲ្យបានលឿនបំផុត។

យ៉ាងណាមិញ មុន​ពេល​កើត​ហេតុការណ៍​នេះ អ្នក​និយម​លេង​អ៊ីនធឺណិតដែលជាហ្វេនៗរបស់តារាចម្រៀង Selena នាំ​គ្នា​សើចនិងហួសចិត្តខ្លាំងណាស់ដែរ ព្រោះថា គ្រប់គ្នាដឹងយ៉ាងច្បាស់ហើយថា Selena Gomez បានចុះបញ្ជីការរក្សាសិទ្ធិឲ្យឈ្មោះថាគ្រឿងសំអាង Rare Beauty របស់នាងអស់រយៈពេលជាយូរណាស់មកហើយ។ ហើយនៅពេលដែលនៅសុខៗ មានក្រុមហ៊ុនមួយទៀតដែលមានឈ្មោះដូចគ្នាបែបនេះ មករករឿងវាដូចជាមិនទំនងទាល់តែសោះ ទើបធ្វើឲ្យមនុស្សជាច្រើនសង្ស័យថា នេះគ្រាន់ជាល្បិចដើម្បីទាក់ទាញចំណាប់អារម្មណ៍ ពីក្រុមហ៊ុនដើមបណ្ដឹង ឲ្យផលិតផលពួកគេលក់ដាច់ប៉ុណ្ណោះ៕

ប្រភព៖ kenh14.vn

• រូបភាព
• តារាអន្តរជាតិ