កុំឲ្យគេថាស្ងាត់ អតីតស្វាមី Yang Mi បើកបង្ហាញគឺជាម្ចាស់អចលនទ្រព្យយ៉ាងច្រើន

ហុងកុង៖ ក្រោយពីបាន​​លែង​លះ​គ្នាប៉ុន្មានឆ្នាំទៅនេះ ក្រឡេកឃើញថា អាជីព​អតីតគូស្វាមីភរិយា Yang Mi និង លោក Hawick Lau បាន​ប្រែ​ទៅ​មុខ​ផ្សេង​គ្នា ខណៈដែល​តារាស្រី Yang Mi នៅជាប់ក្នុងតារាលំដាប់ ចេញបង្ហាញមុខលើក្រប​ទស្សនាវដ្ដី ក៏ដូចជា ការផ្សាយពាណិជ្ជកម្ម​មិន​ឈប់ឈរ ប៉ុន្តែ អតីត​ស្វាមី​នា​ង បានប្រែជា​ស្ងប់ស្ងាត់​ជាង​មុនទៅវិញ​ ព្រមទាំងធ្វើឲ្យមហាជនជាច្រើនជឿថា តារាសម្ដែងប្រុស រូបនេះ អន់ជាងអតីតភរិយាទាំងស្រុង ជាមួយនឹងអាជីពសិល្បៈបានធ្លាក់ចុះខ្លាំង។

ដោយឡែក តាមរយៈប្រភពចុងក្រោយពីឧស្សាហកម្មកម្សាន្តមួយ បានឲ្យដឹងថា លោក Hawick Lau  បានធ្វើឲ្យមហាជនភ្ញាក់ផ្អើល ដោយសារតែសមត្ថភាពជំនួញដ៏គួរឲ្យកត់សម្គាល់របស់ខ្លួន ព្រោះក្រៅពីមានអាជីពជាតារាសម្ដែងហើយ នៅក្នុងរយៈពេលប៉ុន្មានឆ្នាំមកនេះ អតីតស្វាមី Yang Mi ទទួលបានបទពិសោធន៍ច្រើន ក្នុងជំនួញអចលនទ្រព្យ។ ជាពិសេស នៅពេលដែលរូបលោក បានចូលប្រឡូកក្នុងឧស្សាហកម្មកម្សាន្តដំបូង តារាប្រុសរូបនេះ បានវិនិយោគយ៉ាងសកម្ម ដោយទិញអគារ និងផ្ទះជាច្រើនរាប់មិនអស់ នៅហុងកុង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ តម្លៃ​នៃ​អចលនទ្រព្យ​របស់ លោក Hawick Lau បាន​កើនឡើង​យ៉ាង​ឆាប់រហ័ស ដោយយោងតាមការប៉ាន់ស្មាននោះ តារាប្រុសរូបនេះ កំពុងកាន់កា.ប់ប្លុកអចលនទ្រព្យ ដែលមានតម្លៃ ១៦០ លានយ័ន (ប្រហែល ២៥លានដុល្លារ) និងទទួលបាន ការសរសើរជាច្រើន ទៅលើអាជីពជំនួញ និងការវិនិយោគរបស់តារាប្រុសរូបនេះ ដែលមានភាពរីកចម្រើន ដូចអាជីពសម្តែងរបស់ខ្លួន ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន