លុយក៏មាន ក្តីសុខក៏មាន! ទំនេរៗ កែវ វាសនា ដឹកដៃភរិយាទៅកោះ ឡើងស្វីត

កោះរ៉ុងសន្លឹម៖ ពិតណាស់ លោក កែវ វាសនា គឺជាតារាចម្រៀងជើងចាស់មួយរូប ដែលមានប្រជាប្រិយភាពខ្លាំង ដោយលោកត្រូវបានទស្សនិកជនគោរពស្រលាញ់ និងទទួលជាតារាម្នាក់ដែលស្ថិតនៅក្នុងស្រទាប់មិត្តៗយុវវ័យច្រើនឆ្នាំណាស់មកហើយ បើទោះបីជាបច្ចុប្បន្ន លោកមានគ្រួសារយ៉ាងកក់ក្តៅ យ៉ាងណាក្តី។  

ជាក់ស្ដែង កាលពីម្សិលមិញនេះ លោក កែវ វាសនា បានដឹកដៃគ្រួសារ មានភរិយា និងកូនៗជាទីស្រឡាញ់របស់លោក ធ្វើដំណើរកម្សាន្ត សាងសុភមង្គល យ៉ាងកក់ក្តៅនៅឯកោះរ៉ុងសន្លឹម ថែមទាំងបានបង្ហោះរូបភាព ដែលបង្ហាញពីភាពសប្បាយរីករាយ ជាមួយភរិយានិងកូនៗលោកទៀតផង ដែលធ្វើឲ្យហ្វេនៗច្រណែនមិនស្ទើរ។  

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយពីបង្ហោះរូបខណះពេលធ្វើដំណើរកម្សាន្តនេះហើយ ក៏មានអ្នកគាំទ្រជាច្រើនសរសើរក៏ដូចជាច្រណែនពីជីវិតតារាប្រុសរូបនេះ ដែលតែងតែមានពេលវេលាសម្រាប់ក្រុមគ្រួសារ ថែមទាំងជាគូស្នេហ៍គំរូដោយពុំដែលឃើញមានរឿងអាស្រូវទៀតផង៕

សូមទស្សនារូបភាពខាងក្រោម៖

• កែវ វាសនា
• តារាខ្មែរ