មើលអាយដលៗផង ស្រលាញ់គ្នាទាល់ចាស់រៀងខ្លួន មិនខ្ចីលែងគ្នា

កម្សាន្ត៖ បើទោះបីជាមួយរយៈចុងក្រោយនេះ ឃើញថា មានគូស្វាមីភរិយាតារាប្រុសស្រីដ៏ល្បី នៅក្នុងវិស័យសិល្បៈកម្សាន្ត បានប្រកាសចែកផ្លូវគ្នា បន្ទាប់ពីបានសាងគ្រួសារនឹងគ្នាអស់មួយរយៈពេលក្ដី ប៉ុន្តែ ក៏មិនមែនសុទ្ធតែគ្រប់គ្នានោះទេ ដែលនឹងជួបរឿងបែបនេះ។ 

ក្រឡេមកមើល សញ្ញានៃសុភមង្គលរបស់ជីវីតប្ដីប្រពន្ធរបស់តារាល្បីក្នុងទ្វីបអាស៊ីទាំងប៉ុន្មានគូនេះ ក៏បានធ្វើឲ្យអ្នកគាំទ្រជាច្រើន មានអារម្មណ៍រំភើបជំនួស ដោយបានឃើញពីក្ដីសុខនិងភាពផ្អែមល្ហែមមិនចេះផ្លាស់ប្ដូររបស់ពួកគេ ដែលមួយគូៗបានសាងគ្រួសារអស់រយៈពេលជាច្រើនឆ្នាំ រៀងៗខ្លួន ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត ពួកគេទាំងអស់សុទ្ធតែមានភាពសាកសមនឹងគ្នា ជាមួយនឹងរូបរាង អាជីព និងប្រជាប្រិយភាពដ៏គួរឲ្យកោតសរសើរ ក៏ដូចជា របៀបរបបនៃការរស់នៅដ៏ប្រណីត ផងដែរ។

ប្រភព៖ Zingnews

សូមទស្សនារូបភាពខាងក្រោម៖ 

១. Carina Lau និង ស្វាមី លោក Tony Leung

ក្នុង​ឆ្នាំ ២០០៨ គូស្នេហ៍​តារា​សម្ដែង​ល្បី​បំផុត​នៅ​ហុងកុង​ រវាង តារាស្រីជើងចាស់ Carina Lau និង ស្វាមី លោក Tony Leung បាន​រៀប​ការ​នៅ​ប្រទេស​ប៊ូតាន ដែលបានចំណាយទឹកប្រាក់​ក្នុង​តម្លៃ​រហូត​ដល់ ៨ លាន​ដុល្លារ។ បន្ទាប់ពី អ្នកទាំងពីរ​បាន​ណាត់​ជួប​គ្ នា​អស់​រយៈ​ពេល ១៩​ឆ្នាំ មុន​នឹង​ក្លាយ​ជា​ប្ដី​ប្រពន្ធ ដែលពោរពេញដោយភាពផ្អែមល្ហែម មក​ទល់នឹងបច្ចុប្បន្ននេះ។ 

២. តារាចម្រៀងប្រុស លោក Rain និង ភរិយា Kim Tae Hee 

លោក Rain និង Kim Tae Hee ត្រូវ​បាន​គេ​ស្គាល់​ថា​ជាគូស្វាមីភរិយាដ៏ល្បីមួយ ក្នុង​សិល្បៈកម្សាន្ត​កូរ៉េ​ខាង​ត្បូង​ ព្រោះ​តែ​ទំនាក់​ទំនង​ដ៏រឹងមាំ ពោរពេញដោយភាពផ្អែម​ល្ហែម និងតែងតែផ្ដល់នូវក្ដីស្រលាញ់ឲ្យគ្នាទៅវិញទៅមក ។ 

៣. តារាសម្ដែងស្រី Deepika Padukone និងស្វាមី Ranveer Singh

តារាសម្ដែងស្រី Deepika Padukone និង ស្វាមី លោក Ranveer Singh គឺជាគូស្វាមីភរិយា ដែលមានឥទ្ធិពលបំផុត នៅក្នុងឧស្សាហកម្ម Bollywood នេះបើយោងតាមការស្ទង់មតិរបស់ Indian Institute of Human Brands ។ ជាពិសេស ជីវិតប្ដីប្រពន្ធរបស់អ្នកទាំងពីរ ថែមទាំងត្រូវបានប្រព័ន្ធផ្សព្វផ្សាយសរសើរថា ជាគូស្នេហ៍ដ៏មានទេពកោសល្យ មានភាពសាកសមគ្នាទាំងរូបសម្រស់ ផងដែរ។ 

៤. តារាប្រុស លោក Christopher Lee និង ភរិយា Fann Wong

អាចនិយាយបានថា ក្នុងរយៈពេលជាង ២ ទសវត្សរ៍ ដែល គូស្វាមីភរិយាដ៏ល្បីមួយគូនេះ បានជួបប្រទះនឹងភាពចុះសម្រុងគ្នាជាច្រើន និងជារឿងដ៏សំខាន់មួយនៅក្នុងទំនាក់ទំនងរបស់អ្នកទាំងពីរ។ ជាពិសេស Christopher Lee និង ភរិយា Fann Wong បានសម្រេចចិត្តបញ្ចប់ភាពនៅលីវ ដោយបានរៀបការ នៅឆ្នាំ ២០០៩ ព្រមទាំងមានកូនប្រុសម្នាក់ ដែលធ្វើឲ្យក្រុមគ្រួសារទាំងមូលមានភាពពេញលេញ៕ 

• គ្រួសារ
• ស្នេហា
• ជីវិត