តាមពិត បេក្ខភាពMister Suparationalកម្ពុជារូបនេះ ជាប្អូនប្រុសពៅម្ចាស់ពានMaster Chefខ្មែរ ថនដារ៉ា

ភ្នំពេញ៖ បើនិយាយដល់ កម្មវិធីប្រកួតបុរសឯកMister Supranational Cambodia ជាកម្មវិធីថ្មីមួយដំបូងគេបង្អស់នៅក្នុងប្រទេសកម្មវិធី ដែលកំពុងស្វែងរកសុភាពបុរសមានសមត្ថភាពចូលរួមប្រកួតក្នុងពេលឆាប់ៗខាងមុខនេះ។ ពិតណាស់ បើទោះបីកម្មវិធីមួយនេះ មិនទាន់បើការប្រកួតក៏ពិតមែន ប៉ុន្តែគេឃើញមានសុភាពបុរសជាច្រើន បានចុះឈ្មោះដាក់ពាក្យប្រកួតបង្ហាញភាពក្លាហាន ដើម្បីមានឱកាសឈ្នះ និងបន្តទៅប្រកួតនៅលើឆាកអន្តរជាតិ។ 

យ៉ាងណាមិញ អ្វីដែលគេកត់សម្គាល់នោះ គេឃើញមានបេក្ខជនមួយរូប ដែលគេដឹងថាជាប្អូនប្រុសពៅរបស់ម្ខាស់ពាន Master Chef Cambodia រដូវកាលទី១គឺលោក យូ ថនដារ៉ា។ ​ហើយគេដឹងទៀតថាប្អូនប្រុសពៅម្ចាស់ពានចុងភៅឯកកម្ពុជារូបនេះ ក៏ជាតារាម៉ូដែល និងជាអ្នកបម្រើការលើយន្តហោះម្នាក់ផងដែរ។ ដោយបេក្ខភាពរូបនេះមានឈ្មោះ យូ ថនវណ្ណះ មានអាយុ ២៦ឆ្នាំ មានកម្ពស់ខ្ពស់រហូតដល់ ១,​៨៧ម៉ែត្រឯណោះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង បើទោះបីកម្មវិធីមិនទាន់ចាប់ផ្ដើមបើការប្រកួតជម្រុះក៏ពិតមែន តែគេសង្កេតឃើញបេក្ខជនរូបនេះ ហាក់ជាទទួលបានការចាប់អារម្មណ៍ពីអ្នកលេងបណ្ដាញសង្គមខ្លាំង ម្យ៉ាងផេកអ្នកគាំទ្រវិស័យប្រកួតបុរសឯក និងបវរកញ្ញាកម្ពុជាជាច្រើន បានយករូបលោកទៅបង្ហោះគ្រប់គ្នាតែម្ដង។ មិនតែប៉ុណ្ណោះ គេឃើញមានពាក្យជូនពរ និងលោកទឹកចិត្តដល់បេក្ខភាពរូបនេះ មិនចាញ់បេក្ខភាពដទៃទៀតប៉ុន្មានឡើយ៕ 

សូមទស្សនារូបភាពខាងក្រោម៖ 

• តារាខ្មែរ