ប្រជាជនវៀតណាម សម្រុកនាំគ្នាទៅធ្វើតេស្តរកកូវីដ១៩ ​ក្រោយបុណ្យចូលឆ្នាំចិន-វៀតណាម

វៀតណាម៖ ប្រជាជនជាច្រើននាក់ នៅក្នុងខេត្ត Quang Nam ភាគកណ្តាលប្រទេសវៀតណាម បានសម្រុកទៅគ្លីនិក និងមន្ទីរពេទ្យ ដើម្បីធ្វើតេស្តរកមេរោគកូវីដ១៩​ តាមតម្រូវការរបស់និយោជករបស់ពួកគេ បន្ទាប់ពីថ្ងៃឈប់សម្រាកចូលឆ្នាំ (Tet) ពេញមួយសប្តាហ៍។ នេះបើតាមការចុះផ្សាយរបស់សារព័ត៌មាន Tuoi Tre វៀតណាម។

ប្រជាជនទាំងនោះ បានតម្រង់ជួរនៅគ្លីនិក Song Khoe និង Thien Nhan ក៏ដូចជាមន្ទីរពេទ្យ Minh Thien នៅទីក្រុង Tam Ky ខេត្ត Quang Nam កាលពីថ្ងៃអាទិត្យ។ នេះបើតាមការសង្កេតរបស់អ្នកយកព័ត៌មានកាសែត Tuoi Tre។ ប្រជាជនដែលភាគច្រើនជាពលករចំណាកស្រុកក្នុងស្រុក បានសម្រុកទៅធ្វើតេស្តរកមេរោគកូវីដ-១៩ ឱ្យបានឆាប់រហ័ស ដើម្បីបំពេញតាមតម្រូវការនៃកន្លែងធ្វើការរបស់ពួកគេ ដែលជារោងចក្រ និងសួនឧស្សាហកម្ម ឬមានទីតាំងនៅក្នុងតំបន់ផ្សេងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កំណត់ត្រាប្រចាំថ្ងៃរបស់ខេត្ត Quang Nam នៃករណីឆ្លងមេរោគកូវីដ-១៩ រាប់រយនាក់ក្នុងអំឡុងពេលបុណ្យចូលឆ្នាំវៀតណាម ចាប់ពីថ្ងៃទី ២៩ ខែមករា ដល់ថ្ងៃអាទិត្យនេះ ក៏ជាមូលហេតុបន្ថែម ដែលជំរុញឱ្យប្រជាជនធ្វើតេស្តសុវត្ថិភាពសុខភាពរបស់ពួកគេ។

គួររម្លឹកផងដែរថា ខេត្ត Quang Nam បានរាយការណ៍ពីករណីឆ្លងកូវីដ១៩ ជាង ១១,៤៤០ ករណី ចាប់ពីថ្ងៃទី១ខែមករាដល់ថ្ងៃសៅរ៍ រួមទាំងការឆ្លងតាមសហគមន៍ចំនួន ៨,៩៥៨ ករណី។ នេះបើយោងតាមគណៈកម្មាធិការខេត្តសម្រាប់ការបង្ការ និងត្រួតពិនិត្យមេរោគកូវីដ១៩៕