បាត់មុខយូរ តារាកំប្លែង សំប៉ូ លីដា កំពុងត្រូវជំងឺរួម.រឹត ច្រើនមុខ

រាជធានីភ្នំពេញ៖ តារាសម្តែង និងជាតារាកំប្លែងជើងចាស់ អ្នកនាង សំប៉ូ លីដា បច្ចុប្បន្ននេះ ដោយរឿងរ៉ាវតារាស្រីរូបនេះ កំពុងត្រូវជំងឺរួមរឹតជាច្រើនមុខ ពុំសូវមានអ្នកណាដឹងឡើយ ខណៈតារាសម្តែងស្រីវ័យចំណាស់រូបនេះ នៅតែកំពុងងាកមកចាប់អាជីពសិល្បៈសន្សឹមៗឡើងវិញ។

ក្នុងនោះ បើតាមប្រភពព័ត៍មាន អ្នកនាង សំប៉ូ លីដា ត្រូវរត់ទៅរកពេទ្យជាបន្ទាន់ ក្រោយពីជំងឺរើ​ធ្វើ​​ទុកឡើងវិញម្តងៗ ។ ជាមួយគ្នានៅរសៀល ថ្ងៃទី០៨ ខែកុម្ភៈនេះ បច្ចុប្បន្ននាងកំពុងតែមានជំងឺប្រចាំកាយ​ប្រមាណ​ជា៤ទៅ​៥មុខ ក្នុងនោះ​មានដូចជាជំងឺទឹកនោមផ្អែម បេះដូងចំហរ ក្រពះ និង​លើសឈាម ។ នេះបើតាមការបញ្ជាក់របស់តារាសម្តែងរូបនេះ ប្រាប់សារព័ត៍មានតារាញូស៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែយ៉ាងណា អ្នកនាង សំប៉ូ លីដា បានអះអាងថា ជំងឺប្រចាំកាយទាំងនេះមិន​បាន​ធ្វើ​ទុកដល់​ដេកដួលធ្វើការអ្វីមិនកើតរហូតនោះឡើយ ដោយវាធ្វើទុកទៅតាមពេល​វេលា​នៃការ​ហូចចុកចំណី ក៏ដូចជាការធ្វើការងារច្រើនលើកកម្រិតតែប៉ុណ្ណោះ។

គួរជម្រាបផងដែរថា បច្ចុប្បន្ននេះ អ្នកនាង សំប៉ូ លីដា ​ត្រូវបានគេដឹងថា កំពុង​តែសម្ដែងរឿង​ជា​មួយ​នឹងបងប្អូន​អ្នកនាង ចោម ច័ន្ទ និងបម្រើការងារជា​អ្នក​ចម្រៀង​នៅ​ភោជនីយដ្ឋាន​ ។ បើទោះបីមានជំងឺច្រើនមុខរួមរឹតកាយយ៉ាងណាក្តី ក៏អតីត​តារាកំប្លែងរូបនេះ ក៏នៅតែទទួលការងារសិល្បៈមួយចំនួនដូចជា ច្រៀង​ខនសឺត សម្ដែង​ និងច្រៀង​ក្នុង​កម្ម​វិធី​ផ្សេងៗ តែក៏ទទួលចំពោះ​តែការងារ​នៅ​ជិត​ៗ ​និង​​ខេត្ត​ក្បែរៗ​ក្រុង​ភ្នំពេញ​៕