ឃើញសង្ហាតិចច្រឡំថាកូរ៉េ ហៃ ប៉ោហុង តារាប្រុសខ្មែរយើងទេ

ភ្នំពេញ៖ បច្ចុប្បន្នតារាប្រុសរូបស្រស់សង្ហា ហៃ ប៉ោហុង ដែលមហាជនស្គាល់ថាជាតារាសម្ដែង និងជាតារាម៉ូដែលមួយរូប កំពុងតែរាយមន្តស្នេហ៍ពាសពេញបណ្ដាញសង្គម ជាមួយនឹងមុខមាត់មុខនិងរូបរាងដ៏ខ្ពស់ស្រឡះសង្ហារបស់លោក។

ពិតណាស់ តារាប្រុសវ័យ៣០ឆ្នាំរូបនេះ បានកំពុងតែទទួលបានសន្ទុះនៃការគាំទ្រ ជាមួយនឹងការបង្ហាញខ្លួនក្នុងរឿងភាគ ជាពិសេសគឺក្តោបបានសុទ្ធតែតំណែងជាតួឯកទៀតផង។ ទន្ទឹមនឹងភាពល្បីល្បាញផ្ទុះប្រជាប្រិយបែបនេះក៏ព្រោះតែ ហៃ ប៉ោហុង ជាតារាដែលមានសម្ថភាពនិងទេពកោសល្យ ជាពិសេសនោះ គឺរូបសម្រស់អំណោយផលតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ដូចថ្មីៗនេះ ប៉ោហុង បានចេញមករាយមន្តស្នេហ៍សារជាថ្មីតាមរយៈរូបភាព ដ៏ស្រស់សង្ហា ជាច្រើនសន្លឹកដែលបានចែកចាយពេញបណ្ដាញសង្គម ជាមួយនឹងអាវដៃវែងសាច់ក្រណាត់ពណ៌ទឹកប៊ិច បូករួមនឹងខោខៅប៊យ បញ្ចេញស្ទាយ៍ ទឹកមុខស្មើរៗតែជះរាងសង្ហាមិនស្ទើរ ធ្វើឲ្យហ្វេននារីៗមិនតិចនោះទេលង់នឹងលោក៕

សូមទស្សនារូបភាពខាងក្រោម៖

• តារាខ្មែរ