អ្នកប្រើប្រាស់កោតសរសើរដល់គុណភាពរបស់ផលិតផល ដែលផលិតដោយក្រុមហ៊ុនក្នុងស្រុក

ភ្នំពេញ៖ ក្រុមហ៊ុនផលិតរបស់កម្ពុជា និងអ្នកប្រើប្រាស់បានបង្ហាញក្តីសង្ឃឹម សេចក្តីប្រាថ្នា និងទំនុកចិត្តរបស់ខ្លួនទៅលើផលិតផលខ្មែរ ខណៈដែលក្រុមហ៊ុនទាំងនេះបានដាក់តាំងបង្ហាញផលិតផលរបស់ខ្លួន នៅឯពិព័រណ៍ក្នុងរាជធានីភ្នំពេញនាពេលថ្មីៗនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិព័រណ៍ផលិតផលខ្មែរ ដែលត្រូវបានរៀបចំឡើងដោយក្រុមហ៊ុន Beyond Retail Business Cambodia ក្នុងនាមឱ្យសហគ្រិនខ្មែរ (Khmer Enterprise) ដែលជាអង្គភាពមួយក្រោមចំណុះក្រសួងសេដ្ឋកិច្ច និងហិរញ្ញវត្ថុ បានធ្វើឡើងនៅផ្សារទំនើប ជីប ម៉ុង ណូរ៉ូ ម៉ល។ ពិព័ណ៍មួយផ្សេងទៀតនឹងរៀបចំធ្វើឡើងនៅផ្សារទំនើប ជីប ម៉ុង សែនសុខ ម៉ល នៅថ្ងៃទី១៩ ដល់ទី២០ ខែកុម្ភៈ ដែលនឹងប្រមូលផ្ដុំការបង្ហាញផលិតផលជាច្រើនប្រភេទ ដូចជា ផលិតផលសុខុមាលភាព និងផលិតផលម្ហូបអាហារ ផលិតផលតុបតែងផ្ទះ ផលិតផលម៉ូដ និងគ្រឿងតុបតែង ដើម្បីបង្កើតបានជាព្រឹត្តិការណ៍ដ៏អស្ចារ្យមួយ តាមរយៈការតាំងបង្ហាញផលិតផលគុណភាពខ្ពស់របស់កម្ពុជា។

ព្រឹត្តិការណ៍ពិព័រណ៍ទាំងនេះគឺជាឱកាសដ៏ល្អសម្រាប់ក្រុមហ៊ុនផលិតក្នុងស្រុក និងអ្នកប្រើប្រាស់ជួបគ្នា។ ក្រុមហ៊ុនផលិតបានពន្យល់អំពីផលិតផលរបស់ខ្លួនទៅកាន់អ្នកប្រើប្រាស់ ដែលអ្នកប្រើប្រាស់មួយចំនួនបានផ្តល់កោតសរសើររបស់ខ្លួនដល់ផលិតផលរបស់កម្ពុជា។

លោក ស្រាន់ សុជាតិ ដែលជាអ្នកមកទស្សនា និងទិញទំនិញម្នាក់ក្នុងកម្មវិធីពិព័រណ៍នេះ បានថ្លែងថា៖

« អ្វីដែលខ្ញុំចាប់អារម្មណ៍ជាងគេ គឺស្រាដែលផលិតក្នុងសាលាកសិកម្ម អ៊ីចឹងវាជាផលិតផលដែលចេញពីស្នាដៃរបស់សិស្សនិស្សិតផ្ទាល់។ សម្រាប់គុណភាពបច្ចុប្បន្ន យើងអាចប្រកួតប្រជែងជាមួយប្រទេសជិតខាងបាន។ អ៊ីចឹង យើងចូលរួមទាំងអស់គ្នាសម្រាប់ការលើកកម្ពស់ផលិតផលខ្មែរ ពីព្រោះថា បើសិនជាយើងអត់ចូលរួមក្នុងការគាំទ្រផលិតផលកសិផលរបស់ប្រជាជនទេ យើងពិបាកក្នុងការជំរុញក៏ដូចជាអភិវឌ្ឍន៍វិស័យកសិកម្ម ក៏ដូចជាវិស័យកែច្នៃម្ហូបអាហារក្នុងស្រុកយើងឱ្យរីកចម្រើនណាស់ »។

ការលើកឡើងរបស់លោក ស្រាន់ សុជាតិ

កញ្ញា អ៊ុង បូរតនា ជាអ្នកគ្រប់គ្រងទូទៅរបស់ក្រុមហ៊ុន ហ្គ្រីន ក្លាស្ទើ ម.ក (Green Cluster Plc.) ដែលបានដាក់តាំងបង្ហាញផលិតផលក្នុងពិព័រណ៍នេះ បានថ្លែងថា៖

« កម្មវិធីពិព័រណ៍របស់សហគ្រិនខ្មែរនេះ [ដែលរៀបចំឡើងដោយក្រុមហ៊ុន Beyond Retail Business Cambodia] ខ្ញុំគិតថា វាល្អព្រោះមានការតាំងបង្ហាញផលិតផលខ្មែរយើង។ យើងចង់បង្ហាញអតិថិជនទាំងជនជាតិបរទេស ទាំងជនជាតិខ្មែរ ឱ្យពួកគាត់ដឹងថា ខ្មែរយើងក៏មានទំនិញគុណភាពល្អ និងខ្ពស់ដែលផលិតក្នុងស្រុក មិនចាញ់បរទេសដែរ »។

ការលើកឡើងរបស់កញ្ញា អ៊ុង បូរតនា

ក្រុមហ៊ុន Green Cluster របស់កញ្ញា បូរតនា បានតាំងបង្ហាញផលិតផលផ្សេងៗដូចជា គ្រាប់ស្វាយចន្ទី ដំណាប់មៀន ស្រាផលិតក្នុងស្រុក និងផលិតផលផ្សេងទៀត។

អ្នកទស្សនាពិព័រណ៍រាប់ពាន់នាក់បានទៅទស្សនាព្រឹត្តិការណ៍ពិព័រណ៍ ដែលបានរៀបចំធ្វើឡើងនៅ Angkor Parvis ក្នុងខេត្តសៀមរាប នៅថ្ងៃទី០៨ និងទី០៩ ខែមករា ឆ្នាំ២០២២ និងនៅរាជធានីភ្នំពេញនៅចុងខែមករា។

កញ្ញា ច័ន្ទ សីមា ប្រធានគម្រោងនៃក្រុមហ៊ុន Beyond Retail Business Cambodia ដែលទទួលខុសត្រូវលើការរៀបចំពិព័រណ៍នេះបានថ្លែងថា៖

ការលើកឡើងរបស់ កញ្ញា បូរតនា

ផលិតផលដែលត្រូវបានយកមកដាក់តាំងបង្ហាញ រួមមាន សម្លៀកបំពាក់ ផលិតផលម៉ូដ និងគ្រឿងតុបតែង សាប៊ូនិងប្រេងផលិតក្នុងស្រុក ព្រមទាំងម្ហូបអាហារផលិតក្នុងស្រុក និងផលិតផលកសិកម្ម។

ដោយសារមានការគាំទ្រខ្លាំងពី អង្គរប៉ាវីស , ក្រុមហ៊ុន ជីប ម៉ុង រីថែល និងធនាគារ ជីប ម៉ុង ពិព័រណ៍នេះបានបង្ហាញជំនាញបច្ចេកទេសដ៏អស្ចារ្យរបស់ក្រុមហ៊ុនផលិតផលកម្ពុជា។

ក្រុមហ៊ុន ជីប ម៉ុង និង អង្គរប៉ាវីស គឺជាអ្នកឧបត្ថម្ភពិព័រណ៍ «មោនទភាពកម្ពុជា» នេះ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

អ្នក​ប្រើប្រាស់​​កោត​សរសើរ​​ដល់​គុណភាព​​របស់​ផលិតផល​ ដែលផលិត​ដោយ​ក្រុមហ៊ុន​ក្នុង​ស្រុក​

In Case You Missed It

អ្នកប្រើប្រាស់កោតសរសើរដល់គុណភាពរបស់ផលិតផល ដែលផលិតដោយក្រុមហ៊ុនក្នុងស្រុក