គួរយកគម្រូតាម! បុគ្គលល្បីទាំងនេះ តែងចែករំលែកបទពិសោធ និងចំណេះដឹងថ្មីល្អៗ

កម្សាន្ត៖ អាចនិយាយបានថា នៅក្នុងសង្គមបច្ចុប្បន្នការប្រើប្រាស់ប្រព័ន្ធអ៊ីនធើណែតកាន់តែច្រើនឡើងពីមួយថ្ងៃទៅមួយថ្ងៃ ហើយការធ្វើវីដេអូចែករំលែកនូវចំណេះដឹង បទពិសោធន៍ថ្មីៗក៏មានមិនតិចនាក់ផងដែរ។ ពិតណាស់ ការចែករំលែកនូវរឿងរ៉ាវល្អៗនៅក្នុងបណ្ដាញសង្គមពិតជារឿងមួយដ៏ល្អបំផុត​ សម្រាប់ប្អូនៗជំនាន់ក្រោយអាចយកទៅសិក្សាដោយខ្លួនឯងបន្ថែមបាន។ 

មួយវិញទៀត បើទោះបីមានការបង្កើតវីដេអូ និយាយពីរឿងអប់រំក្នុងប្រធានបទល្អៗច្រើនកម្រិតណាស់ក៏ដោយ ក៏គេនៅតែមានអ្នកលេងបណ្ដាញសង្គមមួយចំនួនតូចនៅតែមើលរំលង​ មិនសូវតាមដានប៉ុន្មានឡើយ តែក៏នៅមានមនុស្សមួយចំនួនធំចូលចិត្តបុគ្គលបង្កើតវីដេអូប្រភេទបែបនេះ។ ក្នុងនោះដែរ អ្វីដែលគេចាប់អារម្មណ៍ឃើញនោះ មានផេកចំនួន៤ដែលបង្កើតឡើងដោយស្ត្រីខ្មែរ ទទួលបានការគាំទ្រខ្លាំង រាល់វីដេអូបង្ហោះម្ដងៗមានអ្នកចូលទស្សនាច្រើនតែម្ដង។​ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ស្ត្រីខ្មែរទាំង៤រូប ដែល​មានមហាជនស្កាល់ច្បាស់តាមរយៈ ការផ្ដល់យោបល់ ចំណេះដឹង អប់រំ និងជួយដោះស្រាយបញ្ហានោះមានដូចជា៖

១៖ វីជេ ណាណា

វីជេ ណាណា ត្រូវបានមហាជនស្គាល់យ៉ាងច្បាស់ថាជាស្ត្រីមួយរូប ដែលមានចំណេះដឹងជ្រៅជ្រះ ជាពិសេសតែងតែបង្ហោះវីដេអូនិយាយលើកទឹកចិត្ត ផ្ដល់គំនិតថ្មីល្អៗទៅកាន់មហាជនបានដឹង និងយល់កាន់ច្បាស់ ហើយជួយដោះស្រាយ​បញ្ហាផងដែរ។ 

២៖ អ្នកស្រី ម៉ីសន សុធារី

អ្នកស្រី ម៉ីសន សុធារី ជាអ្នកនិពន្ធមួយរូបដ៏ល្បី ហើយក៏ជាអ្នកដែលនិយមបង្ហោះវីដេអូចែករំលែកពីគំនិតល្អ និងចំណេះដឹងថ្មីៗជូនដល់អ្នកទស្សនាលើបណ្ដាញសង្គមផងដែរ។

៣៖ កញ្ញា កូន ចាបមាស

កញ្ញា កូន ចាបមាស បើទោះបីទើបតែចាប់ផ្ដើមក្នុងការតែងនិពន្ធ ប៉ុន្តែនាងក៏ឧស្សាហ៍ចេញវីដេអូ និយាយរៀបរាប់ពីរឿងល្អ គំនិតថ្មី និងបទពិសោធន៍ថ្មីៗទៅកាន់អ្នកលេងបណ្ដាញសង្គមផងដែរ។

៤៖ A Dose of Cath

A Dose of Cath ត្រូវបានគេស្គាល់ច្បាស់ថា ជាអ្នកផ្ដល់យោបល់ដ៏ល្អពាក់ព័ន្ធជាមួយបញ្ហាផ្លូវភេទ ដែលធ្វើឲ្យមនុស្សជាច្រើនកាន់តែយល់ច្បាស់ពីវិធីសាស្ត្រការពារនៃជំងឺឆ្លងកាមរោគផ្សេងៗ។

• រូបភាព