ល្បី Adele ភ្ជាប់ពាក្យជាមួយគូស្នេហ៍ ក្រោយឃើញពាក់ចិញ្ចៀនពេជ្រដ៏ប្រណីត

បរទេស៖ កាលពីថ្មីៗនេះ យោងតាមទំព័រដ៏ល្បីមួយ បានលើកឡើងពីកម្មវិធី កម្រាលព្រំក្រហម Brit Awards នៅទីក្រុងឡុងដ៍ ប្រទេសអង់គ្លេស ដែលពោរពេញទៅដោយមានភាពអ៊ូអរ ជាមួយនឹងការបង្ហាញខ្លួនរបស់ តារាចម្រៀងស្រីល្បីឈ្មោះ Adele ។ 

ដោយឡែក ការចូលរួមក្នុងកម្មវិធីលើកនេះ តារាស្រី​ Adele បានទាក់ទាញចំណាប់អារម្មណ៍ពីអ្នកគាំទ្រជាច្រើន ព្រោះមិនត្រឹមតែមានការរៀបចំខ្លួនយ៉ាងស្រស់ស្អាតតែប៉ុណ្ណោះទេ តែតារាស្រីរូបនេះ ថែមទាំងបានពាក់គ្រឿងអលង្កាដ៏ប្រណីត ដែលជាចិញ្ចៀនពេជ្រភ្លឺចែងចាំង ក្នុងម្រាមដៃ និងត្រូវគេដឹងទៀតថា បានធ្វើឡើង ដោយអ្នករចនាគ្រឿងអលង្ការដ៏ល្បីល្បាញ Lorraine Schwartz ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ក៏បានធ្វើឲ្យមនុស្សជាច្រើនមានការសង្ស័យ ពីដំណឹងភ្ជាប់ពាក្យ រវាងតារា​ចម្រៀង​ស្រី​រូប​នេះ​ និងគូស្នេហ៍របស់ខ្លួន លោក Rich Paul ថែមទៀតផង។ គួរបញ្ជាក់ផងដែរថា តារាស្រី Adele និងអ្នកជំនួញ លោក Rich Paul បានបង្ហាញទំនាក់ទំនងស្នេហា ជាសាធារណៈ ក្នុងខែកក្កដា ឆ្នាំ ២០២១ កន្លងទៅ ក្នុងរូបភាពដែលអ្នកទាំងពីរ កំពុងមើលការប្រកួតវគ្គផ្តាច់ព្រ័ត្រ NBA ៕

ប្រភព៖ Zingnews

សូមទស្សនារូបភាពខាងក្រោម​៖ 

• តារាអន្តរជាតិ