អ្នករស់នៅតំបន់ទាំងនេះ មើលម៉ោង និងពេលវេលាផង ប្រយ័ត្នដាច់ភ្លើងមិនដឹងពីមូលហេតុ

ភ្នំពេញ៖ នាពេលថ្មីៗនេះ អគ្គិសនីកម្ពុជា បានចេញសេចក្តីជូនដំណឹង អំពីជួសជុល ផ្លាស់ប្តូរតម្លើងបរិក្ខារនានា និងរុះរើគន្លងខ្សែបណ្តាញអគ្គិសនី ដើម្បីឱ្យមានភាពងាយស្រួលដល់ការពង្រីកនៅប៉ុន្មានថ្ងៃខាងមុខនេះ។

ដោយឡែក នៅថ្ងៃពុធ ០៨កើត ខែមាឃ ឆ្នាំឆ្លូវ ត្រីស័ក ព.ស.២៥៦៥រាជធានីភំ្នពេញ ថ្ងៃទី០៩ ខែកុម្ភៈ ឆ្នាំ២០២២ យោងតាមសេចក្តីជូនដំណឹងរបស់អគ្គិសនីកម្ពុជា ស្តីពីការអនុវត្តការងារជួសជុល ផ្លាស់ប្តូរតម្លើងបរិក្ខារនានា និងរុះរើគន្លងខ្សែបណ្តាញអគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ នៅថ្ងៃទី១០ ខែកុម្ភៈ ឆ្នាំ២០២២ ដល់ថ្ងៃទី១៣ ខែកុម្ភៈ ឆ្នាំ២០២២ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។ បើទោះបីជាមានការខិតខំថែរក្សាមិនឲ្យមានការប៉ះពាល់ដល់ការផ្គត់ផ្គង់អគ្គិសនីធំដុំយ៉ាងណាក៏ដោយក្តី ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើអាចនឹងមានការរអាក់រអួលខ្លះៗជៀសមិនផុតដែល​ ខាងអគ្គិសនីកម្ពុជាស្នើសុំអភ័យទោសទុកជាមុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាស្រ័យហេតុនេះ សូមបងប្អូនទាំងអស់មេត្តាជ្រាបជាដំណឹងផងដែរ៕

សូមចូលអានសេចក្តីលម្អិតខាងក្រោម៖