ដូចអត់? អតីតបវរកញ្ញាខ្មែរម្នាក់ មុខដូច Miss World ២០១៣ បេះដាក់

តារាកម្សាន្ត៖ កញ្ញា ហង្ស ម៉ានីតា ជាកូនកាត់ខ្មែរ-បារាំង មានការសិក្សាខ្ពស់ អាចនិយាយបាន៤ភាសា(ខ្មែរ អង់គ្លេស បារាំង និង អេស្ប៉ាញ) ហើយក៏ធ្លាប់មានបទពិសោធន៍ក្នុងកម្មវិធីសម្រស់លក្ខណៈអន្តរជាតិមកពីមុនដែរ និងធ្លាប់ តំណាងឲ្យកម្ពុជាក្នុងការប្រកួតប្រជែង Miss Tourism metropolitan international ២០១៦ ដោយទទួលបានចំណាត់ថ្នាក់ជាលំដាប់រងទី២ បានសាងភាពភ្ញាក់ផ្អើលជាខ្លាំង ដល់ហ្វេនៗដែលជាអ្នកនិយមគាំទ្រ ក្រោយពេលដែលអតីតបវរកញ្ញាខ្មែររូបនេះ មានមុខមាត់ស្រដៀងគ្នាទៅនឹងម្ចាស់មកុដMiss World ២០១៣ នាង Megan Young ដែលជាបវរកញ្ញាប្រទេសហ្វីលីពីន។

ជាក់ស្តែងបើយើងក្រលេកមើលរូបថតជាច្រើនសន្លឹករបស់អ្នកទាំងពីរ គឺទាំងម៉ានីតា និងMegan Young គឺថាអាចនឹងច្រលំដោយសារតែអ្នកទាំងពីរគឺមានមុខមាត់សឹងតែដូចគ្នាតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ផងដែរថា ខណ:ដែលកម្មវិធីMiss Universe ឆ្នាំ២០២២ ខិតជិតចូលមកដល់ មហាជន និងជាពិសេសហ្វេនៗជាច្រើន បានបញ្ចេញមតិនិងចង់ឃើញកញ្ញា ហង្ស ម៉ានីតា ជាកូនកាត់ខ្មែរ-បារាំង ចូលរួមប្រកួតក្នុងកម្មវិធីមួយនេះ ប៉ុន្តែគេនៅមិនទាន់ដឹងច្បាស់ថាតើម៉ានីតា សម្រេចចិត្តយ៉ាងណានៅឡើយទេ៕

ចង់ឃើញថាតើអ្នកទាំងពីរមានមុខមាត់ស្រដៀងគ្នាយ៉ាងណានោះ សូមទស្សនារូបភាពខាងក្រោមនេះ៖

• រូបភាព
• តារាខ្មែរ