ថ្វីត្បិតតែជាសះស្បើយពីកូវីដ-១៩ ហើយក៏ដោយ គ្នាយើងអាចនឹងជួបផលវិបាកមួយចំនួន ដូចជាបាត់បង់ក្លិន ឬរសជាតិជាដើម។ យោងតាមការសិក្សាថ្មីមួយបានបង្ហាញថា ប្រហែលពាក់កណ្ដាលនៃអ្នកជំងឺកូវីដ-១៩ អាចប្រឈមនឹងការបាត់បង់ក្លិនរយៈពេលវែង។ ក្រុមអ្នកស្រាវជ្រាវនៅវិទ្យាស្ថាន Karolinska របស់ប្រទេសស៊ុយអែត បានធ្វើតេស្តលើអ្នកជំងឺជាង ១០០នាក់ ដែលបាត់បង់ក្លិន ក្រោយកើតជំងឺកូវីដ-១៩ នៅខែមីនា ឆ្នាំ២០២០ និងបានបង្ហាញថា នៅរយៈពេល១៨ខែក្រោយពេលកើយ អ្នកជាពីជំងឺម្នាក់ក្នុងចំណោម ២០នាក់នៅតែបាត់បង់ក្លិនដដែល។
វីរុសកូវីដ-១៩ និងផលប៉ះពាល់
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់ វីរុសកូវីដវាយប្រហារសួត និងសរីរាង្គផ្លូវដង្ហើមរបស់យើង ដូច្នេះហើយ ទើបអ្នកជំងឺមួយចំនួនជួបប្រទះរោគសញ្ញាផ្សេងៗ ដូចជាបាត់បង់ក្លិន រសជាតិ ឬនៅពេលខ្លះ មានបញ្ហាក្នុងការដកដង្ហើម។ ការស្រាវជ្រាវកន្លងមក បានបង្ហាញថា មានអ្នកជំងឺខ្លះទៀត នៅតែមានរោគសញ្ញាក្រោយជាសះស្បើយពីកូវីដរយៈពេល ៦ខែ។
ការបាត់បង់ក្លិននៃអ្នកជំងឺកូវីដ-១៩
រួមជាមួយអាការៈគ្រុនក្ដៅ និងក្អក ការបាត់បង់ក្លិនជារោគសញ្ញានៃវីរុសកូវីដ១៩។ ជាក់ស្ដែង ការបាត់បង់ក្លិន ឬរសជាតិ មិនមែនជារោគសញ្ញាទូទៅសម្រាប់អ្នកដែលឆ្លងវីរុសផ្លូវដង្ហើម ដូចជាគ្រុនផ្ដាសាយឡើយ។ បញ្ហានេះកើតឡើងដោយសារតែការហើមនៅក្នុងបំពង់ក និងច្រមុះ ដែលអាចរំខានដល់ការទទួលក្លិន និងរសជាតិ។ ជួនកាល វីរុសអាចបំផ្លាញសរសៃប្រសាទតូចៗនៅក្នុងរន្ធច្រមុះ ដោយកាត់បន្ថយការដឹងក្លិន ទោះជាយើងជាសះស្បើយយ៉ាងណាក្ដី។
ផលវិបាកដទៃទៀតក្រោយជាសះស្បើយពីកូវីដ-១៩
នៅពេលដែលយើងឆ្លងវីរុសកូវីដ សរីរាង្គជាច្រើននៅក្នុងរាងកាយយើងត្រូវបានបំផ្លាញ ហើយការបំផ្លាញមួយចំនួន ក៏អាចនាំមកនូវផលវិបាកធ្ងន់ធ្ងរក្រោយជាសះស្បើយពីកូវីដ ដែលរួមមាន៖
- បាត់បង់ក្លិន និងរសជាតិ
- រាករូស
- ព្រិលភ្នែក
- ពិបាកដកដង្ហើម
- សម្ពាធឈាមខ្ពស់
- ចង្វាក់បេះដូងលោតញាប់ជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
