មិនទាន់ដល់ផង Yardthip បង្ហាញកាដូឡានទំនើបថ្មី ពីស្វាមីក្នុងឱកាសបុណ្យក្ដីស្រលាញ់

ថៃ៖ អាចនិយាយបានថា បន្ថែម​ពី​លើ​ការ​រីក​ចម្រើន​នៃ​អាជីព​ការងារ សម្រាប់​តារា​សម្ដែង​ស្រី Yardthip ថែមទាំងមានជីវិតស្នេហា និងគ្រួសារ ដ៏មានសុភមង្គលខ្លាំង ក្រោយពីសម្រេចចិត្តបញ្ចប់ភាពនៅលីវ ដោយបានរៀបការ ជាមួយនឹងអ្នកជំនួញ លោក Mek ព្រមទាំងមានកូនស្រីអាយុ៥ខែ ជួយជាចំណងស្នេហ៍ឲ្យកាន់តែរឹងមាំ។

ថ្មីៗនេះវិញ Yardthip ក៏បានចេញមកបង្ហាញរឿងមួយដែលកំពុងតែធ្វើឲ្យនារីៗជាច្រើន កាន់តែច្រណែននឹងនាង បន្ទាប់ពី ត្រូវបានស្វាមីបណ្ដូលចិត្ត ផ្ដល់ភាពភ្ញាក់ផ្អើល ដើម្បីអបអរក្នុងឱកាសពិសេសនៃថ្ងៃបុណ្យក្តីស្រលាញ់ខាងមុខនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ មិនត្រឹមតែទទួលបាន នូវភួងផ្កាកុលាបក្រហមដ៏ធំរៀបជារាងបេះដូងនោះទេ តែតារាស្រីរូបនេះ ថែមទាំងទទួលបានកាដូដ៏ប្រណីត ដែលជារថយន្តម៉ាក Bentley ដែលមានតម្លៃថ្លៃ ទៀតផង។ ហើយនេះក៏ជា សកម្មភាពដ៏ផ្អែមល្ហែមមួយនៅក្នុងក្រុមគ្រួសាររបស់ Yardthip ក្រោយពីរៀបការបានជិតមួយឆ្នាំមកនេះ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ