ទោះមិនមែនជាម្តាយបង្កើត ឃើញរូបទាំងនេះទើបដឹងថា Angelina Jolie ស្រលាញ់ម៉ាដុកកូនខ្មែរ ខ្លាំងប៉ុណ្ណា

តារាកម្សាន្ត៖ មិនជាប់ចំណងសាច់ឈាមជាម្តាយកូនបង្កើតនឹងគ្នា កូនខ្មែរម៉ាដុក ដែល​មាន​ឈ្មោះ​ពី​កំណើត​ហៅ រ័ត្ន វិបុល ត្រូវ​បាន​កំពូល​តារាភាពយន្ត​ហូលីវូដ​អ្នកស្រី Angelina Jolie សុំ​ធ្វើ​ជា​កូនចិញ្ចឹម​នៅ​ខែ​មីនា ឆ្នាំ​២០០២ ពេល​ដែល ម៉ាដុកនៅ​ជា​ទារក​វ័យ​៧​ខែ​ផ្ញើ​ជីវិត​នៅ​មណ្ឌល​កុមារកំព្រា​ក្នុង​រាជធានី​ភ្នំពេញ​។ ក្រោយទទួលម៉ាដុកពីប្រទេសកម្ពុជា អ្នកស្រី Angelina Jolie បានយកម៉ាដុកទៅកាន់សហរដ្ឋអាមេរិក ចិញ្ចឹមបីបាច់ដូចកូនក្នុងផ្ទៃបង្កើត ព្រមទាំងផ្តល់ឱកាសឲ្យម៉ាដុករៀនសូត្របានយ៉ាងខ្ពង់ខ្ពស់ និងទទួលនូវកេរ្តិ៍ឈ្មោះជុំវិញពិភពលោកថែមទៀតផង។

យ៉ាងណាមិញ មកទល់នឹងពេលបច្ចុប្បន្នអស់រយ:ពេលជិត២០ឆ្នាំហើយ ដែលAngelina Jolie បានទទួលម៉ាដុកធ្វើជាកូនចិញ្ចឹម ដោយជារឿយៗតារាហូលីវូដរូបនេះ​តែងតែបង្ហាញក្តីស្រលាញ់ទៅកាន់ម៉ាដុក ចាប់តាំងពីម៉ាដុកនៅក្មេង ដោយAngelina Jolie តែងតែអោប និងយកម៉ាដុកជាប់ខ្លួនជានិច្ច។ ជាក់ស្តែងបើយើងក្រលេកទៅមើលរូបថតកាលពីជាង២០ឆ្នាំមុន Angelina Jolie បានបង្ហាញក្តីស្រលាញ់យ៉ាងខ្លាំងទៅកាន់ម៉ាដុកលើសកូនចិញ្ចឹមដទៃទៀត ដោយគេតែងឃើញតារាស្រីរូបនេះពរនិងបីម៉ាដុកជាប់ជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែរថា នាពេលបច្ចុប្បន្ននេះ ម៉ាដុក មានវ័យ២១ឆ្នាំហើយ និងកំពុងតែបន្តការសិក្សានៅប្រទេសកូរ៉េខាងត្បូង ក្រោមការឧបត្ថម្ភពីសំណាក់ម្តាយចិញ្ចឹមAngelina Jolie ៕

ចង់ឃើញថាតើ Angelina Jolie ស្រលាញ់ម៉ាដុកយ៉ាងណានោះ សូមទស្សនារូបភាពខាងក្រោមនេះទាំងអស់គ្នា៖

• ជីវិត
• រូបភាព