អាយុច្រើនរៀងខ្លួន Zhang Ziyi នៅតែផ្អែមល្ហែម​ ជាមួយស្វាមីក្នុងថ្ងៃកំណើត

ចិន៖ ថ្មីៗនេះ តាមរយៈវីដេអូមួយដែលបង្ហោះដោយមិត្តភ័ក្តិរបស់តារាស្រី Zhang Ziyi បានបង្ហាញពីទិដ្ឋភាពដ៏រំភើបជាមួយនឹងក្រុមគ្រួសារ រវាងនាងនិងកូនស្រីរបស់ស្វាមី លោក Wang Feng ដែលបានស្លៀកសំលៀកបំពាក់គូស្នេហ៍ឈរនៅលើឆាកជាមួយគ្នា។

នៅក្នុងនោះដែរ ត្រូវគេបានដឹងថា គឺជាពិធីជប់លៀងខួបកំណើតអបអរចំពោះ តារាស្រី Zhang Ziyi ដែលមានអាយុគម្រប់ ៤៣ ឆ្នាំ ដែលរៀបចំដោយក្រុមគ្រួសាររបស់នាង និងត្រូវបានតុបតែងដោយពណ៌សជាចម្បង ព្រមទាំងមានការចូលរួមពីមិត្តភក្តិជិតស្និទ្ធជាច្រើន ផងដែរ។ ជាពិសេស លោក​ Wang Feng បានឡើង​លើ​ឆាក​ច្រៀង​សម្រាប់ភរិយា ដែលធ្វើឲ្យនាងកាន់តែរំភើប​ចិត្ត​ខ្លាំងឡើង ​ពេល​ឮ​សម្លេងស្វាមីច្រៀងឡើងអង្រួនអារម្មណ៍។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ស្វាមីរបស់ Zhang Ziyi ក៏បានបង្ហោះរូបភាពភរិយាដ៏ស្រស់ស្អាត ដែលមានការជូនពរក្នុងថ្ងៃកំណើត ព្រមទាំងបង្ហាញពីអារម្មណ៍រីករាយក្នុងគ្រួសារ ក្ដីសុខដែលគ្មានទុ.ក្ខកង្វល់ ដែលមាននាងនៅក្បែរ ក៏ដូចជាផ្ដល់ក្ដីស្រលាញ់ឲ្យគ្នាទៅវិញទៅមក៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន