ចុម អាជ្ញាធរថៃ ឱ្យតេស្តរកកូវីដ១៩សិន មុន… ក្នុងថ្ងៃ១៤ កុម្ភៈ​

ថៃ៖ មុនពេលធ្វើការរួមភេទ នៅថ្ងៃទី ១៤ កុម្ភៈ ថ្ងៃបុណ្យនៃក្តីស្រលាញ់ សូមធ្វើតេស្តរកកូវីដ១៩។ នេះ​ជា​អនុសាសន៍​របស់​នាយកដ្ឋាន​គ្រប់គ្រង​ជំងឺ​របស់​ប្រទេស​ថៃ។

អាជ្ញាធរ​ថៃ បាននឹងកំពុង​ណែនាំ​គូស្នេហ៍​ទាំងអស់ ឱ្យ​ធ្វើ​តេស្តរហ័ស​រក​មេរោគ​កូវីដ-១៩ សិន មុន​ពេល​រួម​.ដំណេក។ នេះបើតាមការចុះផ្សាយរបស់សារព័ត៍មាន Thaiger។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អគ្គនាយកមន្ទីរគ្រប់គ្រងជំងឺឆ្លង (Department of Disease Control)  លោក Suwanchai Wattanayingcharoenchai បានសម្តែងការព្រួយបារម្ភរបស់លោក នៅថ្មីៗនេះថា អាចនឹងមានករណីឆ្លងកូវីដ-១៩ កើនឡើងបន្ទាប់ពីថ្ងៃបុណ្យនៃក្តីស្រឡាញ់ ១៤កុម្ភៈ។ ខណៈពេលដែលគូស្នេហ៍ ចេញដើរលេងជួបគ្នាញ៉ាំអាហារ អគ្គនាយកមន្ទីរគ្រប់គ្រងជំងឺឆ្លងរូបនេះ បានមានប្រសាសន៍ដូច្នេះថា៖ គ្រប់គ្នាគួរតែនៅតែប្រុងប្រយ័ត្នចំពោះការរីករាលដាលនៃជំងឺកូវីដ១៩។

ក្នុងនោះ លោកបានផ្តល់អនុសាសន៍ថាអ្នកដែលចង់ចូលរួមព្រឹត្តិការណ៍ ឬពិធីជប់លៀងនានា គួរតែវាយតម្លៃហានិភ័យផ្ទាល់ខ្លួនរបស់ពួកគេដោយប្រើកម្មវិធី Thai Save Thai ។ ហើយសម្រាប់ការរួមភេទដោយសុវត្ថិភាព លោកបាននិយាយថា គូស្នេហ៍ទាំងអស់ គួរតែធ្វើតេស្តឃើញលទ្ធផលអវិជ្ជមាននៅក្នុងកម្មវិធី ATK មុនពេលប្រតិបត្តិការ។

គួររម្លឹកផងដែរថា កាលពីខែសីហាឆ្នាំមុន ក្រសួងសុខាភិបាលបានចេញនូវការណែនាំអំពី "ការរួមភេទដោយសុវត្ថិភាព" ដោយបង្ការការឆ្លងកូវីដ១៩ ដែលរួមមានការពាក់ម៉ាស់មុខ (និងស្រោមអនាម័យ) ឬ និងជៀសវាងការប៉ះទឹកមាត់ ក៏ដូចជាអាថ៌កំបាំងផ្សេងៗទៀត។ ប៉ុន្តែ បច្ចុប្បន្ននេះ ដោយមានពលរដ្ឋ ភាគច្រើនបានចាក់វ៉ាក់សាំងកូវីដ១៩ បានយ៉ាងពេញលេញ និងមានឧបករណ៍ធ្វើតេស្តនៅផ្ទះ។ នេះបើតាមការណែនាំរបស់នាយក DDC បានផ្តល់អនុសាសន៍៕