ថៃ៖ កាលពីថ្ងៃទី ១០ ខែកុម្ភៈ ឆ្នាំ ២០២២ វេលាម៉ោង ១០:០០ ព្រឹក តារាសម្ដែងឥណ្ឌាដ៏ល្បី Gagan Malik តួអង្គព្រះពុទ្ធក្នុងរឿង «Sri Siddhartha Gautama» បានបួសជាព្រះសង្ឃនៅក្នុងវត្តមួយនៅឯប្រទេសថៃ។ ដោយតារារូបនេះត្រូវបានទទួលព្រះធម៌នាមថា អសោក ប្រែថា បុគ្គលគ្មានទុក្ខ គិតជារយៈពេលសិក្សាព្រះធម៌នេះគឺមានរយៈពេល ១៥ថ្ងៃ ចន្លោះពីថ្ងៃទី ១០ ដល់២៤ ខែកុម្ភៈ។
ជាមួយគ្នានេះដែរ មុនចូលទៅក្នុងពិធីបូជា តារាបូលីវូដរូបនេះបានផ្តល់បទសម្ភាសន៍អំពីគោលបំណងនៃការបួសនេះ ដោយសារតែលោក ចង់បំផុសគំនិតប្រជាជនឥណ្ឌា ព្រោះមនុស្សភាគច្រើនគិតថាស្រុកកំណើតរបស់ព្រះពុទ្ធសាសនាគឺមកប្រទេសឥណ្ឌា ប៉ុន្តែការពិតទៅក្នុងប្រទេសឥណ្ឌាមានពុទ្ធសាសនិកត្រឹមតែ ២%ប៉ុណ្ណោះនៃចំនួនប្រជាជនទាំងអស់។ ដូច្នេះហើយបានជាលោក មកបួសជាព្រះសង្ឃនៅប្រទេសថៃនេះ ដើម្បីសិក្សាពីក្បួនច្បាប់ របៀបដែលព្រះសង្ឃនៅប្រទេសថៃប្រតិបត្តិយ៉ាងម៉េច? តើពុទ្ធសាសនិកជនគួរប្រព្រឹត្តដូចម្តេច?
យ៉ាងណាមិញ បើតាមការធ្វើបទសម្ភាស៍ដដែល Gagan Malik ក៏បានបង្ហើបថា បន្ទាប់ពីនោះ លោកនឹងអាចត្រលប់ទៅបង្រៀនជនជាតិឥណ្ឌាវិញបានយ៉ាងត្រឹមត្រូវតាមរបៀបដែលលោកបានបួសរៀនសូត្រ។ ហើយលោកក៏មិនមែនចង់ឲ្យជនជាតិឥណ្ឌាទាំងអស់នោះ ងាកប្រែមកក្លាយជាពុទ្ធសាសនិកនោះទេ ប៉ុន្តែយ៉ាងហោចណាស់លោកនឹងបានត្រលប់មកបង្រៀនព្រះធម៌វិញ នោះហើយជាអ្វីដែលលោកចង់បាន ចង់បង្រៀនព្រះធម៌ នាំព្រះធម៌ត្រលប់មកស្រុកកំណើតវិញប៉ុណ្ណោះ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
