ជាព្រះករុណាទីគុណណាស់! សម្តេចម៉ែ ប្រទានព្រះរាជទ្រព្យជាង១លាន១៦ម៉ឺនដុល្លារ កសាងសាលារៀនក្នុងខេត្តនេះ

រាជធានីភ្នំពេញ៖ កាលពីពេលថ្មីៗកន្លងទៅនេះ យោងតាមគេហទំព័រហ្វេសប៊ុកRoyal du Cambodge សម្តេច​ព្រះមហាក្សត្រី​ នរោត្តម​ មុនិនាថ​ សីហនុ​ ព្រះ​វររាជ​មាតា​ជាតិ​ខ្មែរ​ ក្នុង​សេរីភាព​ សេចក្ដី​ថ្លៃថ្នូរ​ និង​សុភមង្គល​ ជា​ទី​គោរព​សក្ការៈ​ដ៏​ខ្ពង់ខ្ពស់​បំផុត​ ព្រះអង្គ​ស្តេច​សព្វ​ព្រះរាជ​ហឫទ័យ​ប្រោស​ព្រះ​រាជទាន​ព្រះរាជទ្រព្យផ្ទាល់ដ៏ឧត្តុង្គឧត្តមចំនួន១.១៦៩.៥៥០ដុល្លារអាមេរិក ដើម្បីជួសជុលកែលម្អ និងសាងសង់បន្ថែមនូវព្រះរាជសមិទ្ធផលនានា ក្នុងបរិវេណសាលាបឋមសិក្សា និងអនុវិទ្យាល័យ សម្តេចឪ សម្តេចម៉ែ ភ្នំសំពៅ ស្ថិតនៅក្នុងភូមិសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង សម្រាប់តម្កល់ជាឧត្តមប្រយោជន៍ជាតិ និងប្រជាជនកម្ពុជា។

សូមរំលឹកផងដែរថា នេះមិនមែនជាលើកទីមួយទេដែលសម្តេចម៉ែទ្រង់សព្វព្រះរាជហឬទ័យប្រោសព្រះរាជទានព្រះរាជទ្រព្យផ្ទាល់ព្រះអង្គដើម្បីសាងសង់សាលារៀនជូនដល់កូនចៅ ចៅទួត និងប្រជានុរាស្រ្តរបស់ព្រះអង្គ ប៉ុន្តែជារឿយៗព្រះអង្គទ្រង់តែងតែប្រោសព្រះរាជទានទ្រព្យ ដើម្បីជួយដល់ប្រជារាស្រ្តព្រះអង្គ រួមមានជាអាទិ៍ការកសាងមន្ទីរពេទ្យ ផ្ទះ និងអណ្តូងទឹកជាដើម។ល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• រូបភាព