យោងតាមសេចក្តីជូនដំណឹងរបស់ក្រសួងសុខាភិបាល ចំនួនអ្នកឆ្លងវីរុសអូមីក្រុង កើនឡើងដល់៣០០នាក់ហើយ

រាជធានីភ្នំពេញ៖ យោងតាមសេចក្តីជូនដំណឹងរបស់ក្រសួងសុខាភិបាល នៅថ្ងៃទី១១ ខែកុម្ភៈ ឆ្នាំ២០២២នេះ កម្ពុជា បានរកឃើញករណីឆ្លងថ្មី សរុបចំនួន ៣០០នាក់។

តាមសេចក្តីជូនព័ត៍មានរបស់ក្រសួង បានឱ្យដឹងទៀតថា ក្នុងចំណោមករណីឆ្លងអូមីក្រុងថ្មីនេះ មានករណីនាំចូល ៥ករណី និងករណីអូមីក្រុង ឆ្លងក្នុងសហគមន៍ថ្មី ចំនួន ២៩៥ ករណី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររម្លឹកផងដែរថា តាមប្រភពពីក្រសួងសុខាភិបាល កម្ពុជា មានអ្នកវិជ្ជមានកូវីដ១៩​ សរុបចំនួន ១២៣,០៤២ នាក់ អ្នកជាសះស្បើយសរុបចំនួន ១១៨,៦៦០នាក់ ក្នុងនោះ មានអ្នកស្លាប់ដោយសារវីរុសនេះ សរុបចំនួន ៣,០១៥ នាក់។

ក្នុងនោះ តាមការបញ្ជាក់របស់ក្រសួង ករណីឆ្លងអូមីក្រុងក្នុងសហគមន៍ សរុបមានចំនួន ១៩៨៣ នាក់៕