ដឹងតែត្រូវប៉ាន់ហើយ! ក្រសួងសាធារណការ​ គ្រោងសាងសង់ច្រកព្រំដែនខ្នាតអន្តរជាតិ នៅខេត្ត...

ខេត្តពោធិ៍សាត់៖ កាលពីពេលថ្មីៗកន្លងទៅនេះ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំក្រុមការងារបច្ចេកទេសក្រសួងពិនិត្យគម្រោងសាងសង់ច្រកព្រំដែនអន្តរជាតិថ្មដា ដែលស្ថិតនៅឃុំថ្មដា ស្រុកវាលវែង ក្នុងខេត្តពោធិ៍សាត់ ដើម្បីពិភាក្សា និងពិនិត្យលក្ខណ:ទូទៅនៃគម្រោងបើកច្រកព្រំដែនអន្តរជាតិរវាងកម្ពុជា-ថៃ និងបង្កើនកិច្ចសហប្រតិបត្តិការពាណិជ្ជកម្ម និងទេសចរណ៍រវាងប្រទេសទាំងពីរ។

សូមបញ្ជាក់ផងដែរថា គម្រោងបើកច្រកព្រំដែនអន្តរជាតិថ្មដា ក្នុងខេត្តពោធិ៍សាត់នេះ និងជួយបង្កើនទំហំពាណិជ្ជកម្មនៃប្រទេសទាំងពីរគឺទាំងកម្ពុជា និងថៃ ព្រមទាំងផ្តល់ឱកាសនិងប្រែក្លាយតំបន់ថ្មដាឲ្យក្លាយទៅជាគោលដៅដ៏មមាញឹកមួយនាពេលខាងមុខថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅក្នុងគម្រោងនោះនឹងមានការសាងសង់អគារអន្តោប្រវេសន៍ អគារគយ និងរដ្ឋាករសម្រាប់ត្រួតពិនិត្យរួម ចំណតសម្រាប់ផ្ទេរទំនិញឆ្លង កាត់ ‌‌ឃ្លាំងទីលានកុងទីន័រ និងអគាររដ្ឋបាល និងសំណង់អគារអន្តេវាសិកដ្ឋាន ដើម្បីបើកឱកាសឱ្យបានទូលំទូលាយដល់កិច្ចសហប្រតិបត្តិការអន្តរជាតិ ការវិនិយោគ ការធ្វើពាណិជ្ជកម្មឆ្លងកាត់ដែន ការបង្កើត ការងារធ្វើ និងការទាក់ទាញភ្ញៀវទេសចរសំដៅលើកកម្ពស់សេដ្ឋកិច្ចគ្រួសារ និងសង្គមជាតិនៃប្រជាជាតិទាំងពីរផងដែរ។៕

ចង់ជ្រាបកាន់តែច្បាស់ សូមទស្សនារូបភាពខាងក្រោមនេះទាំងអស់គ្នា៖

• រូបភាព