លែងដូចឆ្នាំមុនៗហើយ Bella បានត្រឹមបង្ហាញសារមួយនេះ ក្នុងថ្ងៃបុណ្យក្ដីស្រលាញ់

ថៃ៖ បច្ចុប្បន្ននេះ ខណៈកំពុងតែ​ស្ថិត​នៅ​ដោយ​ឡែក ​បន្ទាប់​ពី​ធ្វើការព្យាបាល​ជំ.ងឺ​កូវីដ១៩ តារាស្រីល្បី Bella Ranee ក៏ទទួលបាននូវការលើកទឹកចិត្ត ជូនពរឲ្យឆាប់ជាសះស្បើយ ពីអ្នកគាំទ្រជាច្រើន។

ជាពិសេស ក្រៅពីនេះ រូបនាងថែមទាំងត្រូវបាន មហាជន​ផ្ដោត​សំខាន់បំផុត​ ទៅលើសុខភាព​ផ្លូវចិត្ត​របស់​នាងដែល​ទើប​តែ​វិលត្រឡប់មករកភាពនៅលីវវិញ​ ក្រោយពីបានប្រកាសជាផ្លូវការ ពីការបញ្ចប់ទំនាក់ទំនងស្នេហាជាមួយនឹងអតីតគូស្នេហ៍ លោក Weir ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ថ្មីៗនេះ នៅក្នុងថ្ងៃបុណ្យនៃក្ដីស្រលាញ់ តារាស្រី Bella បានបង្ហាញពីសកម្មភាពថ្មីមួយខុសពីរាល់ៗឆ្នាំ ដោយនៅក្នុងនោះ នាងបានបង្ហោះរូបភាព កាតដែលសរសេរដោយដៃរបស់ឪពុកនាង ដែលបានសរសេរសម្រាប់អ្នកម៉ាក់ នៅថ្ងៃបុណ្យនៃក្តីស្រឡាញ់ កាលពីឆ្នាំ ២០១៥។ 

ម៉្យាងវិញទៀត នាងក៏បានភ្ជាប់នូវសារយ៉ាងខ្លី ដែលបានលើកឡើងថា «My Valentine» និងសញ្ញារូបបេះដូងពណ៌ស ដែលបានទាក់ទាញចំណាប់អារម្មណ៍អ្នកគាំទ្រយ៉ាងខ្លាំង និងធ្វើឲ្យពួកគេផ្ញើរការពេញចិត្តដល់រូបនាងគ្រប់ៗគ្នា៕ 

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ