វាសនាមនុស្សមើលមិនឃើញមែន មួយភ្លែតសោះ លោកឧកញ៉ា ឌួង ងៀប ត្រូវបញ្ជូន ទៅពន្ធនាគារ ឃុំខ្លួនជាបណ្តោះអាសន្នបាត់

រាជធានីភ្នំពេញ៖ យោងតាមប្រភពព័ត៌មានពីទំព័រហ្វេសប៊ុករបស់Fresh New ក្រោយបញ្ចប់ការស៊ើបសួរនៅសាលាដំបូងរាជធានីភ្នំពេញ នារសៀល ថ្ងៃទី១៤ ខែកុម្ភៈ ឆ្នាំ២០២២នេះ ចៅក្រមបានសម្រេចឃុំខ្លួន លោកឧកញ៉ា ឌួង ងៀប អគ្គលេខាធិការរង នៃក្រសួងមហាផ្ទៃ ដាក់ពន្ធនាគារ PJ ជាបណ្តោះអាសន្ន ក្រោមការចោទប្រកាន់ពីបទ «ឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន»។

សូមបញ្ជាក់ផងដែរថា ដើមទងនៃការបើកសវនការនេះ ធ្វើឡើងបន្ទាប់ពីលោកឧកញ៉ាផ្កាយបី ដួងងៀប ត្រូវរងបណ្តឹងជុំវិញបទ «ឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន» ពាក់ព័ន្ធនឹងការលក់អចលនវត្ថុមួយកន្លែង ដែលអ្នកទិញជាដើមបានប្រគល់ប្រាក់ថ្ងៃដីគ្រប់ ចំនួន៧.៣០៥.០០០$ ឲ្យទៅជនត្រូវចោទឈ្មោះ ឌួង ងៀប រួចរាល់ ប៉ុន្តែជនត្រូវចោទពុំមានដីនោះប្រគល់ជូនម្ចាស់លុយឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយបញ្ចប់សវនការជំហានដំបូងសាលាដំបូងរាជធានីភ្នំពេញ ក៏បានប្រកាសបន្តអនុវត្តតាមនីតិវិធីជាធរមានចំពោះករណីនេះ ដោយមិនអនុញ្ញាតឲ្យជនត្រូវចោទឈ្មោះ ឌួង ងៀប ប្រើប្រាស់ប្រព័ន្ធបណ្តាញសង្គមដើម្បីគេចវេះពីការទទួលខុសត្រូវទៀតឡើយ៕

ប្រភព៖: ទំព័រហ្វេសប៊ុករបស់Fresh New

• រូបភាព