ដើមឆ្នាំមិនទាន់ គូស្វាមីភរិយាតារាពីរគូនេះ ប្រកាសលែងលះគ្នា

ចិន៖ ដូចដែលបានដឹងហើយថា កាលពីប្រមាណកន្លះខែមុននេះ គូស្វាមីភរិយា ដ៏ល្បីនៅក្នុងវិស័យសិល្បៈកម្សាន្ត រវាង តារាស្រី Angelababy និង លោក Huang Xiaoming បានប្រកាសលែងលះគ្នាជាផ្លូវការនៅលើបណ្ដាញសង្គម និងបានបង្ហាញថា ពួកគេនៅតែជាគ្រួសារតែមួយ ដើរតួនាទីជាឪពុកម្ដាយសម្រាប់កូនប្រុសរបស់អ្នកទាំងពីរ ផងដែរ។ 

យ៉ាងណាមិញ នេះគឺជាដំណឹងដ៏សោកស្ដាយមួយសម្រាប់ទស្សនិកជនជាច្រើន ដែលធ្លាប់តែបានឃើញពីជីវិតអាពាហ៍ពិពាហ៍យ៉ាងមានក្ដីសុខ ចាប់តាំងពីបានសម្រេចចិត្តសាងគ្រួសារ និងមិននឹកស្មានថា ពួកគេទាំងពីរ​អាចដើរដល់ផ្លូវបំបែកមួយនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះ ស្រាប់តែមានព័ត៌មានដ៏ភ្ញាក់ផ្អើលសាជាថ្មីម្ដងទៀត បន្ទាប់ពីមានគូស្វាមីភរិយាមួយគូទៀត បានប្រកាសបញ្ចប់ទំនាក់ទំនងគ្នានៅលើបណ្ដាញសង្គម រវាងតារាស្រី Janice Wu និង លោក Zhang Yujian។ ម៉្យាងវិញទៀត ខាងស្ទូឌីយោ របស់អ្នកទាំងពីរ ក៏បានបញ្ជាក់ពីដំណឹងលែងលះនេះ ព្រមទាំងលើកឡើងថា ចាប់ពីពេលនេះទៅ ពួកគេនឹងមិនផ្ដល់ចម្លើយអ្វីទាក់ទងនឹងបញ្ហានេះទៀតឡើយ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន