សម្តេចតេជោ ហ៊ុន សែន សម្រេច លើកពេលជួបជុំជាមួយ សិស្សនិទ្ទេស A

រាជធានីភ្នំពេញ៖ នៅថ្ងៃទី ១៤ ខែកុម្ភៈ ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសលើកពេលនៃការជួបជុំជាមួយចៅៗ សិស្សនិទ្ទេស A ដែលគ្រោងធ្វើ នៅថ្ងៃទី២៨ ខែកុម្ភៈ ឆ្នាំ២០២២ ទៅពេលក្រោយវិញ។

គួរបញ្ជាក់ផងដែរថា ការលើកពេលជួបជុំរបស់សម្តេចតេជោ ហ៊ុន សែន ពេលនេះ គឺដោយសារតែបញ្ហាកូវីដ១៩ មេរោគបម្លែងខ្លួនថ្មី អូមីក្រុង ដែលបាននឹងកំពុងរីករាលនៅទីក្រុងភ្នំពេញ និង ដើម្បីសុវត្ថិភាពចៅៗសិស្សនិទ្ទេស A និងអ្នកចូលរួម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជុំវិញការលើកពេលជួបជុំជាមួយសិស្សនិទ្ទេស A ទៅពេលក្រោយនេះ សម្តេច បានបញ្ជាក់ថា រក្សាជីវិត និងសុខភាពគឺជាកិច្ចការចម្បងរបស់យើងទាំងអស់គ្នានាពេលនេះ។

ក្នុងនោះ សម្តេចតេជោ ហ៊ុន សែន បានបន្ថែមទៀតថា រក្សាបានជីវិតនិងមានសុខភាពល្អមិនខ្វះទេ ពេលវេលានៃការជួបជុំ។ សង្ឃឹមថាចៅៗនិង ក្រុមគ្រួសារនឹងមានការយោគយល់នូវការលំបាកនេះ៕