ក្រៅពីមានក្ដីសុខហើយ Sririta និងស្វាមី បង្អួតផ្ទះវីឡាធំស្កឹមស្កៃ

ថៃ៖ ក្រោយពីបានសាងគ្រួសារ និងបង្ហាញពីសុភមង្គលជារឿយៗ នៅលើបណ្ដាញសង្គម​ ថ្មីៗនេះ តារាស្រី Sririta និងស្វាមី ថែមទាំងបានធ្វើ​បច្ចុប្បន្នភាព ពី​ជីវិត​ផ្ទាល់​ខ្លួន​ ជាមួយនឹងការរស់នៅដ៏ស៊ីវីល័យ បើកបង្ហាញឲ្យឃើញនូវ​ផ្ទះ​ធំដ៏ប្រណីត ស្រស់​ស្អាត​ដូច​វិមាន ​នៅ​កណ្តាល​ទីក្រុង​បាងកក។

នៅក្នុងនោះដែរ ផ្ទះដ៏ស្កឹមស្កៃមួយនេះ មានទីធ្លាធំទូលាយ សួនច្បារពីខាងមុខ រំលេចនូវពណ៌បៃតងស្រស់តាមបែបធម្មជាតិ។ ចំណែកឯផ្នែកខាងក្នុងវិញក៏មិនចាញ់គ្នាប៉ុន្មាននោះទេ ដោយមានការរៀបចំតុបតែងយ៉ាងទាន់សម័យ ជាមួយនឹងគ្រឿងសង្ហារឹមប្រណីតៗដូចជា តុ ទូ សាឡុង ព្រមទាំងមានរូបភាពតាមជញ្ជាំង និងរូបចម្លាក់ ទេវតា ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ផ្ទះដ៏ស្រស់ស្អាតរបស់អ្នកទាំងពីរ ក៏មានបន្ទប់បរិភោគអាហារធំទូលាយ មានឆាក និងព្យាណូ ដែលសម្រាប់ទទួលភ្ញៀវ ផងដែរ។ ជាពិសេស បន្ទប់សម្ងាត់ក្រោមដីសម្ងាត់ របស់ស្វាមី Sririta ស្ទើរតែមិនដែលបើកឱ្យអ្នកណាបានឃើញនោះទេ ដែលវា​ជា​បន្ទប់​លាក់​ក្នុង​បណ្ណាល័យ ហើយថែមទាំងមានបរិយាកាស ស្រដៀងនឹងបារសម្រាប់លំហែរកាយឯកជន ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ