កូនប្រុស David Beckham ម្ចាស់ផ្ទះរាប់លានដុល្លារ សម្រេចដាក់លក់ទៅវិញ ដោយសារ....

បរទេស​៖ យោងតាមប្រភពបរទេសដ៏ល្បីមួយនេះ បានបង្ហាញថា តារាសម្តែងស្រី Nicola Peltz និង គូដណ្ដឹង លោក Brooklyn Beckham ដែលត្រូវគេស្គាល់ថា ជាកូនប្រុសរបស់អតីតកីឡាបាល់ទាត់ លោក​ David Beckham កំពុងដាក់លក់ផ្ទះរបស់ពួកគេ នៅទីក្រុង Los Angeles ក្នុងតម្លៃ ១១ លានដុល្លារ។

មិនត្រឹមតែប៉ុណ្ណោះ តាមប្រភពមួយនេះ បានឲ្យដឹងទៀតថា អចលនទ្រព្យមួយនេះ ត្រូវបានទិញដោយ លោក Brooklyn និងគូដណ្តឹងរបស់ខ្លួន កាលពី ៨ ខែមុន ក្នុងតម្លៃ ១០,៥ លានដុល្លារ។ ម៉្យាងវិញទៀត បច្ចុប្បន្ននេះ ផ្ទះមួយនេះគឺមានទំហំធំពេក សម្រាប់ Brooklyn និង Nicola ក្នុងការរស់នៅ ដូច្នេះ ​ពួកគេ​បាន​លក់​វីឡាមួយនេះ ដែលមាន​ទំហំ ៧១៥ ម៉ែត្រការ៉េ ដែលមាន បន្ទប់គេង ៥ និង  បន្ទប់ទឹក ៧។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ក៏មានការលើកឡើងថា ពួកគេពិតជា​ស្រឡាញ់​អចលនទ្រព្យ​នេះណាស់ តែក៏សោកស្តាយ​ដែល​ត្រូវ​លក់​វា​ម្តងទៀត​។ តែទោះជាយ៉ាងណាក៏ដោយ Brooklyn និងគូដណ្តឹង បានបង្ហាញថា អ្នកទាំងពីរ ចង់ស្នាក់នៅ Miami ដើម្បីជិតស្និទ្ធនឹងគ្រួសាររបស់ពួកគេ ផងដែរ៕ 

ប្រភព៖​ Zingnews

សូមទស្សនារូបភាពខាងក្រោម៖ 

• តារាអន្តរជាតិ