គ្មានរំលងយ៉ាងម៉េច! ថ្ងៃ Valentine ប្តី Cardi ជះលុយបាចផ្កាកុលាបពេញផ្ទះ ទិញកាដូមិនចេះតិច

បរទេស៖ កាលពីថ្មី ៗ នេះ តារាចម្រៀងរ៉ប Cardi B បានចែករំលែក ក្រោយពីត្រលប់មកពីមើល Super Bowl នាងបានលាន់មាត់ភ្ញាក់ផ្អើលព្រោះផ្ទះពេញទៅដោយផ្កាកុលាប ដោយសារ ស្វាមីរបស់តារាស្រីរូបនេះ បានរៀបចំសម្រាប់នាង។

ជាក់ស្តែង ស្រទាប់ផ្កាកុលាបក្រហម ត្រូវបាន បាចពេញគ្រប់ទីកន្លែងក្នុងផ្ទះ មិនថា ពីអាងហែលទឹក ពេញសាលធំ បន្ទប់ទទួលភ្ញៀវ និងបន្ទប់គេង។ នៅកន្លែងនីមួយៗ Cardi បានរកឃើញកញ្ចប់អំណោយដែលធ្វើឱ្យនាងភ្ញាក់ផ្អើលម្តងហើយម្តងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតសោត ម្ចាស់បទ «WAP» រូបនេះ បានបង្ហាញយ៉ាងសប្បាយរីករាយទៅកាន់អ្នកគាំទ្រ Instagram របស់នាងចំនួន ១២៣ លាននាក់ ថានាងបានទទួលកាបូបម៉ាក Chanel ចំនួនប្រាំមួយ។ Rapper Offset បានទិញកាបូបអ្នករចនាជាមុនដោយសម្ងាត់ ដែលមួយក្នុងចំណោមនោះត្រូវបានទិញនៅឌូបៃ។

យ៉ាងណាមិញ Cardi ជារឿយៗ តែងតែទទួលអំណោយថ្លៃ ៗ ពី Offset ប្តីរបស់នាង ចាប់តាំងពីអ្នកទាំងពីរបាននៅជាមួយគ្នា។ សម្រាប់ខួបកំណើតរបស់នាងនៅឆ្នាំ ២០២០ នាងបានទទួលឡានមួយ។ រហូត​មក​ដល់​ឆ្នាំ​មុន Offset បាន​ឲ្យ​ប្រពន្ធ​របស់​លោក ​នូវ​វីឡា​រីសត​មួយ​នៅ​សាធារណរដ្ឋ​ដូមីនីកែន ជា​ស្រុក​កំណើត​របស់​ Cardi ទៀតផង៕

ប្រភព​៖ https://ngoisao.net

សូមទស្សនារូបភាពខាងក្រោម៖

• តារាអន្តរជាតិ