មានអ្នកអត់ទាន់បានអីវ៉ាន់អត់? កូវីដមិនទាន់ស្ងប់ ចិនសម្រេចបិទច្រកព្រំដែនអន្តរជាតិមួយនេះជាមួយវៀតណាម

វៀតណាម៖ កាលពីពេលថ្មីៗកន្លងទៅនេះ យោងតាមប្រភពពីគេហទំព័រសារព័ត៌មាន Zing New របស់វៀតណាម ប្រទេសចិននឹងផ្អាកសកម្មភាពនាំចេញ និងនាំចូលតាមច្រកទ្វារអន្តរជាតិលេខ២ Kim Thanh - Lao Cai ព្រំប្រទល់ជាមួយវៀតណាម ដើម្បីបង្ការការឆ្លងកូវីដ១៩។

យ៉ាងណាមិញ ការបិទច្រកព្រំដែននេះ គឺដោយសារតែភាគីចិនគ្រោងបិទស្រុក Ha Khau ដើម្បីធ្វើតេស្ដសាកល្បងប្រជាជនទាំងមូល ហើយទន្ទឹមនឹងនោះ ស្នើឱ្យភាគីវៀតណាមសហការផ្អាកសកម្មភាពនាំចេញតាមច្រកទ្វារអន្តរជាតិលេខ២ Kim Thanh ក្នុងគោលបំណងកាត់បន្ថយហានិភ័យនៃការឆ្លង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែរថា គិតត្រឹមម៉ោង៨ និង១៥នាទី ព្រឹកថ្ងៃសុក្រ ទី១៨ ខែកុម្ភ: ឆ្នាំ២០២២នេះ ប្រទេសវៀតណាមមានករណីឆ្លងកូវីដ១៩សរុបកើនឡើងដល់ទៅ២,៦៤៣,០៣៤នាក់ ខណ:ដែលប្រទេសចិនមានករណីឆ្លងចំនួន១០៧២៨៨នាក់តែប៉ុណ្ណោះ៕

• រូបភាព