ក្រោយរៀបការបានមួយរយៈ Ariana ទើបបង្ហាញភាពផ្អែមល្ហែមជាមួយស្វាមី

បរទេស៖ អាចនិយាយបាន តារាចម្រៀងស្រី Ariana Grande គឺជាអ្នកសិល្បៈមួយរូប ដែលតែងតែលួចលាក់ពីជីវិតឯកជនរបស់ខ្លួន ជាពិសេស ទំនាក់ទំនងរវាងនាងជាមួយស្វាមី លោក Dalton Gomez ដោយមិនសូវបានបើកបង្ហាញជាសាធារណៈឡើយ។

តែយ៉ាងណាមិញ កាលពីថ្ងៃទី ១៦ ខែកុម្ភៈ កន្លងទៅនេះ តារាចម្រៀងស្រី Ariana បានបង្កការភ្ញាក់ផ្អើល នៅលើបណ្តាញសង្គម នៅពេលដែលនាងបានបញ្ចេញរូបថតស្នេហា ជាមួយនឹងស្វាមីបណ្ដូលចិត្ត  ដែលធ្វើឲ្យការបង្ហោះនេះ ទទួលបានការ Like រូបបេះដូង ជិត ៨,៥ លាន បន្ទាប់ពី បានបង្ហោះត្រឹមតែ រយៈពេល ៨ ម៉ោង តែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត​ នៅក្នុងនោះ Ariana បានបង្អួតរាងស្អាតជាមួយស្វាមី និងភាពផ្អែមល្ហែម លាយឡំកាយវិការដ៏ស្និទ្ធស្នាល ដែលបានបង្ហាញឡើងយ៉ាងរំជួលចិត្ត ផងដែរ ព្រោះ តាំង​ពី​រៀប​ការ​រហូត​មក​ដល់​ពេល​នេះ គឺមាន​ពេលតិច​តួច​ណាស់​ ដែលអ្នកគាំទ្រ​បាន​ឃើញ​គ្រា​ដ៏​ជក់​ចិត្ត​របស់​អ្នក​ទាំង​ពីរ បែបនេះ៕ 

ប្រភព៖ Kenh14

សូមទស្សនារូបភាពខាងក្រោម ៖ 

• តារាអន្តរជាតិ