កត្តញ្ញូណាស់! ក្មេងប្រុសម្នាក់ ច្រៀងឡាយផ្ទាល់ លើហ្វេសប៊ុក ដើម្បីរៃអង្គាសប្រាក់ធ្វើបុណ្យស.ពឪពុក

ថៃ៖ ក្មេងប្រុស អាយុ១២ ឆ្នាំម្នាក់ បានសម្តែងតន្ត្រីនៅលើ Facebook Live ដើម្បីរៃអង្គាសប្រាក់សម្រាប់ធ្វើពិធីបុណ្យសពឪពុករបស់ខ្លួន ដែលបានស្លាប់ដោយសារជំងឺមហារីកកាលពីដើមខែនេះ។

ក្មេងប្រុស ឈ្មោះ Nong Gun បាននិយាយថា រូបគេជាតន្ត្រីករតាមចិញ្ចើមផ្លូវ តាំងពីអាយុ ៥ឆ្នាំ ហើយប្រាក់ដែលរកបានពីការសម្តែងគឺរូបគេយកទៅផ្គត់ផ្គង់ដល់ការសិក្សា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្មេងប្រុសកម្សត់រូបនេះ ត្រូវបានចិញ្ចឹមដោយឪពុកទោលម្នាក់ឈ្មោះ Chatchai Khiewsen និងមានបងប្អូនប្រុសពីរនាក់ និងបងស្រីម្នាក់។ ក្មេងប្រុស អាយុ១២ ឆ្នាំរូបនេះ បាននិយាយថា ខ្លួនចង់ជួយឪពុក ដែលខិតខំប្រឹងប្រែង ដើម្បីចិញ្ចឹមកូនទាំងបួន។

បន្ទាប់ពីឪពុកលោក Chatchai ត្រូវបានគេធ្វើរោគវិនិច្ឆ័យថា មានជំងឺមហារីកដំណាក់កាលទី៤ ក្មេងប្រុសជាកូន Nong Gun បានធ្វើការសម្តែងចម្រៀង ឡាយផ្ទាល់នៅនៅលើបណ្តាញសង្គម ដើម្បីឱ្យរកប្រាក់បង់ថ្លៃព្យាបាលឪពុករបស់ខ្លួន។

តែជាអកុសលអី ឪពុកក្មេងប្រុសរូបនេះ បានស្លាប់ដោយសារជំងឺ នៅថ្ងៃទី ៤ ខែកុម្ភៈ កន្លងទៅនេះ។ សពរបស់ឪពុករបស់កុមារកំសត់រូបនេះ ត្រូវបានបូជានៅវត្ត Charoen Thammaram ក្នុងសង្កាត់ Sai Mai ក្រុងបាងកកនៅថ្ងៃទី១៤ខែកុម្ភៈ។

ក្រោយ​ពី​ឪពុក​លោក​ទទួល​មរណភាព Nong Gun បាន​ Live នៅលើ​បណ្ដាញ​សង្គមហ្វេសប៊ុក ដើម្បី​រៃអង្គាស​ប្រាក់​សម្រាប់​ថ្លៃ​បុណ្យ​សពឪពុក។Nong Gun បាននិយាយមុន ពេលសម្តែងជាឧបករណ៍ភ្លេងនៃបទចម្រៀងប្រជាប្រិយរបស់ថៃ ខណៈព្យាយាមទប់ទឹកភ្នែក ពោលថា៖ «ឪពុករបស់ខ្ញុំបានស្លាប់ហើយ»។ គណនីធនាគាររបស់ Nong Gun សម្រាប់ការទទួលការឧបត្ថម្ភ បានបិទ បន្ទាប់ពីបូជាសពឪពុករួច។ ទន្ទឹមនោះដែរ ក្មេងប្រុសរូបនេះ បាន​ថ្លែង​អំណរគុណ​ដល់​ប្រជាជន ​សម្រាប់​ការ​បរិច្ចាគជួយដល់ថ្លៃបុណ្យសពឪពុកខ្លួន៕