អាណិតណាស់! ទើបប្រកាសបើកទទួលសិស្ស និងអ្នកជំនួញ ពេលនេះជប៉ុនរកឃើញកូវីដបម្លែងថ្មីBa.2 ឆ្លងសាហាវ

ប្រទេសជប៉ុន៖ កាលពីពេលថ្មីៗកន្លងទៅនេះ ពោលគឺកាលពីថ្ងៃទី១៧ ខែកុម្ភ: ឆ្នាំ២០២២ ក្រោយពេលដែលលោកនាយករដ្ឋមន្រ្តីជប៉ុន Kishida Fumio បានប្រកាសថានឹងបើកទទួលសិស្ស ព្រមទាំងអ្នកជំនួញឲ្យចូលមកក្នុងប្រទេសជប៉ុនដោយនឹងចាប់ផ្តើមអនុវត្តពីថ្ងៃទី១ ខែមីនា ឆ្នាំ២០២២ខាងមុខនេះ ស្រាប់តែកន្លងបានមួយថ្ងៃ ក្រុមអ្នកស្រាវជ្រាវនៅសាកលវិទ្យាល័យតូក្យូ ក្នុងប្រទេសជប៉ុនបានរកឃើញថា វីរុសបំប្លែងខ្លួនអូមីក្រុងបំបាំងកាយ ឬមានឈ្មោះផ្លូវការថា BA.2 អាចបណ្តាលឲ្យមានជំងឺធ្ងន់ធ្ងរជាងមេរោគបំប្លែងខ្លួននេះទម្រង់ដើម ហើយប្រហែលជាអាចគេចផុតពីការព្យាបាលមួយចំនួនថែមទៀតផង។

យ៉ាងណាមិញ ភ្លាមៗនោះផ្អែកតាមប្រភពពីសារព័ត៌មាន Reuters ក្រោយក្រុមអ្នកស្រាវជ្រាវជប៉ុនរកឃើញវីរុសបម្លែងខ្លួនថ្មីនេះ ជប៉ុន​ក៏គ្រោង​កំណត់​គោលដៅ​ទប់ស្កាត់​ជំងឺ​កូវីដ​ ស្របពេលដែល​ចំនួន​អ្នក​ស្លាប់​បាន​កើន​ឡើង​ដល់​កំណត់ត្រាខ្ពស់ នារយ:ពេលចុងក្រោយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ផងដែរថា គិតមកត្រឹមម៉ោង៨ និង២០នាទី ព្រឹកថ្ងៃសៅរ៍ ទី១៩ ខែកុម្ភ: ឆ្នាំ២០២២នេះ ប្រទេសជប៉ុនមានករណីឆ្លងកូវីដ១៩សរុបដល់ទៅ៤,២៤១,៨០០នាក់ ស្របពេលដែលករណីឆ្លងថ្មីនៅថ្ងៃនេះមានដល់ទៅ៩៥,៦០៣នាក់៕

• រូបភាព