អ៊ីស្រាអែល អនុញ្ញាតឱ្យភ្ញៀវទេសចរមិនបានចាក់វ៉ាក់សាំង ចូលលេងប្រទេសបាន ជាលើកដំបូង ព្រោះមូលហេតុនេះ​

អ៊ីស្រាអែល៖ លោកនាយករដ្ឋមន្រ្តី Naftali Bennett បានប្រកាស កាលពីថ្ងៃអាទិត្យ ទី២០​ ខែកុម្ភៈនេះថា អ៊ីស្រាអែលនឹងអនុញ្ញាតឱ្យភ្ញៀវទេសចរដែលមិនបានចាក់វ៉ាក់សាំងជាលើកដំបូង ចូលមកទស្សនាប្រទេសនេះ ដោយករណីឆ្លង និងស្លាប់ដែលបណ្តាលមកពីមេរោគកូវីដ១៩ បានថមថយចុះ។

លោក Bennett បានមានប្រសាសន៍ដូច្នេះថា៖ «យើងកំពុងតាមដានការថយចុះជាប់លាប់នៃទិន្នន័យជំងឺ»។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររម្លឹកផងដែរថា អ៊ីស្រាអែលបានបិទព្រំដែនរបស់ខ្លួនចំពោះអ្នកដំណើរ នៅដើមឆ្នាំ២០២០ដោយសារមេរោគឆ្លងរាលដាលពាសពេញពិភពលោក។ នាយករដ្ឋមន្ត្រីរូបនេះ បានបន្ថែមទៀតថា៖ «វាដល់ពេលដែលត្រូវបើកជាបណ្តើរៗនូវអ្វីដែលយើងជាអ្នកដំបូងគេក្នុងពិភពលោកដែលបិទ»។

រដ្ឋជ្វីហ្វមួយនេះ គឺជាអ្នកតាមដានដំបូងនៃការចាក់វ៉ាក់សាំង និងក្នុងចំណោមប្រទេសដំបូងគេ ដែលទាមទារឱ្យទទួលស្គាល់វិញ្ញាបនបត្រចាក់វ៉ាក់សាំង ដែលគេហៅថា Green Pass ដើម្បីផ្លាស់ប្តូរការធ្វើដំណើរ។

នៅក្រោមច្បាប់ថ្មីដែលចូលជាធរមាននៅថ្ងៃទី១ខែមីនា អ្នកទេសចរនឹងត្រូវធ្វើតេស្ត PCR មុនពេលឡើងយន្តហោះទៅកាន់ប្រទេសអ៊ីស្រាអែល និងលើកទីពីរនៅពេលចុះចត។ ខណៈឯពលរដ្ឋអ៊ីស្រាអែល នឹងត្រូវបានតម្រូវឱ្យធ្វើតេស្តនៅពេលមកដល់ព្រលានយន្តហោះ។

កាលពីថ្ងៃព្រហស្បតិ៍នេះ លោក Bennett បានលើកឡើងពីការធ្លាក់ចុះនៃការឆ្លង នៅពេលដែលនាយករដ្ឋមន្ត្រីរូបនេះ បានប្រកាសពីការបញ្ចប់ការឆ្លងខ្លាំងនៃមេរោគកូវីដ១៩។

ករណីឆ្លងថ្មីជាង ១០,០០០ករណី ត្រូវបានរាយការណ៍កាលពីថ្ងៃអាទិត្យ នៅក្នុងប្រទេសអ៊ីស្រាអែលធ្លាក់ចុះពីកម្រិតខ្ពស់ជាងគេបំផុត ៨៥,០០០ ករណីប្រចាំថ្ងៃ នៅចុងខែមករា។ មនុស្សសរុបចំនួន ៩,៨៤១ នាក់បានស្លាប់ដោយសារជំងឺនេះ រួមទាំង៧នាក់បន្ថែមទៀត ដែលត្រូវបានរាយការណ៍ កាលពីថ្ងៃសៅរ៍នេះ៕

ប្រភព៖ The Strait Times