រូបភាពកម្រ ចៀវៃ និងស្វាមី ចេញមកកម្សាន្តជាមួយគ្នាឡើងសប្បាយរីករាយ

តៃវ៉ាន់៖ គឺជាគូស្វាមីភរិយាដ៏ល្បីក្នុងពិភពកម្សាន្តមួយ សម្រាប់ តារាស្រី Ruby Lin និង លោក Wallace Huo ដែលតាំង​ពី​រៀបការ​ ព្រមទាំងមានកូនម្នាក់ ​រហូត​មក​ដល់​ពេល​នេះ ពួកគេ​តែង​តែ​ប្រឈម​មុខ​នឹង​ពាក្យ​ចចាមអារ៉ាម​អាក្រក់​រាប់​មិន​អស់។ តែទោះជាយ៉ាង​ណា​ អ្នកទាំង​ពីរ ​បាន​ជ្រើសរើស​នូវភាព​ស្ងៀមស្ងាត់ ​និងធ្វើសកម្មភាពផ្សេងៗ ដើម្បី​បញ្ជាក់​ពី​អារម្មណ៍​របស់​ខ្លួន។

មិនត្រឹមតែប៉ុណ្ណោះ ថ្មីៗនេះ យោងតាម ទំព័រ Sohu នៅ​រសៀល​ថ្ងៃ​ទី ២០ ខែ​កុម្ភៈ កន្លងទៅ ក៏បាន​ចែក​រំលែក​អត្ថបទ​មួយ​ ដោយបានលើកឡើងថា មានអ្នក​លេង​អ៊ីនធឺណិត​បាន​ឃើញ​ ប្ដីប្រពន្ធ​មួយ​គូ​នេះព្រមជាមួយ​នឹង​កូន​ស្រីរបស់ខ្លួន ដើរ​តាម​ផ្លូវ ដែលបានចេញទៅកម្សាន្តជាមួយគ្នាយ៉ាងរីករាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តារាសម្តែងប្រុស លោក Wallce Huo ថែមទាំងបានតុបតែងខ្លួន មានភាពទាន់សម័យ និងក្មេងវ័យ ជាមួយនឹងខោខូវប៊យអាវយឺត ខណៈដែល ប្រពន្ធ បង្ហាញជើងវែងរបស់ខ្លួន ជាមួយនឹងខោខ្លី ទៀតផង។ ប៉ុន្តនៅក្នុងនោះដែរ ការយកចិត្តទុកដាក់ទាំងអស់ គឺផ្តោតទៅលើកូនស្រីរបស់ពួកគេ ដែលបានធំធាត់ឡើងដ៏គួរស្រលាញ់ ព្រមទាំងធ្វើឲ្យមើលឃើញថា ក្រុមគ្រួសាររបស់អ្នកទាំងពីរ គឺនៅតែមានភាពសុភមង្គល មិនផ្លាស់ប្ដូរនោះឡើយ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន