ចៅ៥នាក់ និងកូនស្រីម្នាក់របស់សម្តេចតេជោ ហ៊ុន សែន ឆ្លងកូវីដ

រាជធានី​ភ្នំពេញ៖ អញ្ជើញជាអធិបតីបើកការដ្ឋានសាងសង់ស្ថានីយ៍ប្រព្រឹត្តកម្មទឹកកខ្វក់បឹងជើងឯក នៅថ្ងៃទី២២ ខែកុម្ភៈ ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា ចៅ ៥នាក់ និងកូនស្រីម្នាក់របស់សម្តេច បានឆ្លងជំងឺកូវីដ១៩ ជាបន្តបន្ទាប់។

ជាមួយគ្នានេះ សម្តេចតេជោ ហ៊ុន សែន បានអំពាវនាវដល់ប្រជាពលរដ្ឋទាំងអស់ កុំប្រមាថ និងធ្វេសប្រហែសភ្លេចខ្លួនឱ្យសោះ ដោយត្រូវបន្តប្រយុទ្ធប្រឆាំងនឹងជំងឺកូវីដ១៩។ ដោយក្នុងនោះ សម្តេច​ បានបញ្ជាក់​ថា មួយ​ផ្ទះ​របស់​សម្តេច​តេ​ជោ គឺ​មាន ចៅ ៥ កូន​ម្នាក់ បានកើត​កូ​វី​ដ​-១៩ ក្នុង​នោះ​ម្នាក់​គឺ​ចៅ​ទី ២១ របស់​សម្តេច និង​កូនស្រី​ម្នាក់​របស់​សម្តេច​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះបន្ថែមទៀត សម្តេច​តេ​ជោ បានមានប្រសាសន៍ឱ្យដឹងថា ថ្ងៃនេះ​មានករណី​ឆ្លងថ្មីចំនួន ៥៩៨​ករណី ស្លា.ប់​២​ករណី ។ សម្តេច​ បាន​អំពាវនាវ​ទទូចដល់​ប្រជាពលរដ្ឋ​ កុំ​ប្រមាថ​ឱ្យ​សោះ​ថា​អូ​មី​ក្រុង​ មិន​នាំ​ឱ្យ​មានការ​ស្លាប់ និង​អំពាវនាវ​បន្ត​អនុវត្តនូវ​វិធាន​ការ ៣​កុំ ៣​ការពារ​៕