ពិតឬ វ័យកាន់ច្រើន ឈិនឡុង ដល់ថ្នាក់ ត្រូវការគេជួយពេលកំពុងដើរ

ហុងកុង៖ ថ្មីៗនេះ ស្រាប់តែមានអ្នកលេងអ៊ីនធឺណិតមួយចំនួន បានបង្ហោះវីដេអូរបស់ តារាសម្ដែង លោក Jackie Chan  ពេលចូលរួមក្នុងការផ្សព្វផ្សាយរឿងថ្មី ដែលនៅក្នុងនោះ តារាប្រុសរូបនេះបានទាក់ទាញចំណាប់អារម្មណ៍មនុស្សគ្រប់គ្នា ដោយមានការតុបតែងខ្លួន ស្លៀក​សម្លៀក​បំពាក់​សាមញ្ញ ព្រមទាំងមានបុគ្គលិកពីរនាក់ បានបង្ហាញខ្លួនជាមួយគ្នា ផងដែរ។ 

ប៉ុន្តែអ្វីដែលសំខាន់នោះ បណ្ដាទស្សនិកជន បានកត់សម្គាល់ឃើញថា នៅតាមផ្លូវ លោក Jackie Chan បានចាប់ស្មាបុគ្គលិកទាំងពីរ ហើយដើរយឺតៗ ដែលមើលទៅ រូបរាងរបស់លោក លែងមានភាពស្វាហាប់ដូចពីមុនទៀតហើយ។ ម៉្យាងវិញទៀត ពេល​ធ្វើ​ចលនា ខ្នង​របស់​លោក ​ហាក់​ដូចជា​មិន​អាច​តម្រង់​បាន​ទេ ដែល​ត្រូវ​បាន​គេ​សង្ស័យ​ថា កំពុងតែមាន​របួ.ស​ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្វីត្បិតតែ Jackie Chan ព្យាយាមស្វាគមន៍អ្នកឆ្លងកាត់ ដោយស្នាមញញឹមក៏ដោយ តែពួកគេនៅតែមើលឃើញពីការពិបាករបស់លោក ជាមួយនឹងស្ថានភាពរាងកាយបែបនេះ។ យ៉ាងណាមិញ បច្ចុប្បន្ននេះ លោក Jackie Chan មានអាយុ ៦៧ ឆ្នាំ ដែលស្ថិតក្នុងវ័យចំណាស់ទៅហើយ ដែលពិតណាស់ ថារាងកាយគឺមិនអាចប្រៀបធៀបជាមួយនឹង អំឡុងពេលយុវវ័យរបស់លោកបានទៀតទេ៕ 

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាចិន