៥ ក្បាច់ងាយៗ ដុតបំផ្លាញជាតិខ្លាញ់ពេលកំពុងគេង!

ការដុតបំផ្លាញជាតិខ្លាញ់ ពេលយើងចង់ស្រកទម្ងន់មិនមែនងាយស្រួលដូចនិយាយទេ គឺយើងត្រូវមានភាពអត់ធ្មត់ តមអាហារឆ្ងាញ់ និងត្រូវហាត់ប្រាណទៀងទាត់។ យ៉ាងណាមិញ បន្ថែមពីលើការហាត់ប្រាណ ដើម្បីដុតបំផ្លាញជាតិខ្លាញ់ក្នុងរាងកាយ យើងក៏អាចធ្វើបាននៅអំឡុងពេលគេងដែរជាមួយវិធីងាយៗ ៥ យ៉ាងខាងក្រោមដូចជា៖

១. ញ៉ាំប្រូតេអ៊ីនCaseinក្រឡុក

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រតេអ៊ីន Casein ជាប្រភេទម្សៅប្រូតេអ៊ីនងាយរំលាយ ដែលអាចឲ្យរាងកាយបំបែកអស់ក្នុងរយៈពេល ៦-៨ម៉ោង។ នេះមានន័យថា ប្រព័ន្ធរំលាយអាហាររបស់យើងនឹងនៅធ្វើការពេញមួយយប់ ហើយយើងនឹងភ្ញាក់ពីគេងមកដោយមានអារម្មណ៍ស្រស់ស្រាយ មានកម្លាំង ជាជាងក្រោកមកជាមួយរាងកាយល្ហិតល្ហៃ។ យើងអាចលាយម្សៅប្រូតេអ៊ីននេះជាមួយទឹក និងក្រឡុកញ៉ាំធម្មតា។

គណនា BMI គណនា BMR

២. គេងឲ្យបានច្រើន

ការសិក្សាមួយដែលត្រូវបានចេញផ្សាយនៅក្នុង Archives of Internal Medicine បានរកឃើញថាមនុស្សលើសទម្ងន់ជាមធ្យមបានគេងតិចជាង អ្នកដែលមានទម្ងន់ធម្មតា ១៦នាទីក្នុងមួយថ្ងៃ។ ដូច្នេះ ហេតុអ្វីបានជាការគេងជួយឲ្យយើងរាងស្លីម? នេះគឺទាក់ទងនឹងអរម៉ូន leptin និង ghrelin ។ Leptin ជួយគ្រប់គ្រងកម្រិតថាមពល និងរក្សាចំណង់អាហាររបស់យើងទាប ខណៈពេលដែល ghrelin ជំរុញឲ្យឃ្លាន ហើយជារឿយៗធ្វើឲ្យយើងចេះតែចង់ញ៉ាំអាហារ។ លទ្ធផលនៃការសិក្សាដែលធ្វើឡើងនៅសាកលវិទ្យាល័យ Wisconsin នៃសហរដ្ឋអាមេរិកបានរកឃើញថា អ្នកគេងបានច្រើនកាត់បន្ថយ អ័រម៉ូន ghrelin និងបង្កើនកម្រិតអ័រម៉ូន leptin ដែលជួយគ្រប់គ្រងចំណង់អាហារបានពេញមួយថ្ងៃ។

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !ចង់គណនារង្វាស់ចង្វាក់បេះដូង ចុចទីនេះ !ចង់គណនាមហារីកសួត ចុចទីនេះ!

៣. ញ៉ាំអាហារតិចៗតែច្រើនដង

ការញ៉ាំអាហារតិចៗតែច្រើនដងក្នុងមួយថ្ងៃ ជួយរក្សាការរំលាយអាហាររបស់យើងឲ្យនៅធ្វើការ ហើយនឹងធានាថារាងកាយបន្តដុតបំផ្លាញជាតិខ្លាញ់ពេញមួយយប់។ ប៉ុន្តែ យើងត្រូវប្រាកដថា អាហារដែលយើងញ៉ាំចូលទៅជាអាហារសុខភាពល្អ មិនមែនអាហារបំពង ឬអាហារកែច្នៃនោះទេ។

៤.ញ៉ាំអាហារមានជាតិកាបូអ៊ីដ្រាត

យើងគួរញ៉ាំអាហារមានកាឡូរីខ្ពស់ ពិសេសកាបូអ៊ីដ្រាតច្រើននៅអំឡុងពេលថ្ងៃ ជជាងញ៉ាំច្រើននៅពេលល្ងាច។ យើងនឹងចូលគេងដោយមានអ័រម៉ូនអាំងស៊ុយលីនតិចនៅក្នុងឈាម ដូច្នេះរាងកាយរបស់យើងអាចបំប្លែងជាតិខ្លាញ់សម្រាប់ថាមពលពេលគេង។

៥. ញ៉ាំទឹកឲ្យបានច្រើន

ការញ៉ាំទឹកឲ្យបានយ៉ាងតិច ៨កែវ/ថ្ងៃ ត្រូវបានជឿថាជួយបង្កើនសមត្ថភាពការរំលាយអាហាររបស់យើង។ លើសពីនេះ ទឹកត្រជាក់ តម្រូវឲ្យរាងកាយធ្វើការបន្ថែម ដើម្បីធ្វើឲ្យមានសីតុណ្ហភាពដូចនឹងរាងកាយ ផ្ដល់ប្រយោជន៍ដោយជំរុញដល់ការរំលាយអាហាររបស់រាងកាយ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

៥ ក្បាច់ងាយៗ ដុតបំផ្លាញជាតិខ្លាញ់ពេលកំពុងគេង!​

១. ញ៉ាំ​ប្រូតេអ៊ីន​Casein​ក្រឡុក

២. គេង​ឲ្យ​បាន​ច្រើន

៣. ញ៉ាំ​អាហារ​តិចៗតែ​ច្រើន​ដង

៤.ញ៉ាំ​អាហារ​មាន​ជាតិ​កាបូអ៊ីដ្រាត

៥. ញ៉ាំ​ទឹក​ឲ្យ​បាន​ច្រើន

In Case You Missed It