អ្នកសិក្សានៅថៃ រកឃើញកូវីដបំបាំងកាយប្រភេទBa.2 សូម្បីតែវ៉ាក់សាំងក៏មិនខ្លាច

ថៃ៖ កាលពីពេលថ្មីៗកន្លងទៅនេះ យោងតាមប្រភពព័ត៌មានពី The National Thailand បានបង្ហាញអំពីទិន្នន័យនៃការសិក្សាស្រាវជ្រាវមួយដោយបានបង្ហាញថា ការប្រែប្រួលនៃកូវីដបំបាំងកាយប្រភេទBA.2 កើនឡើងយ៉ាងឆាប់រហ័សនៅក្នុងប្រទេសថៃ និងមានសមត្ថភាពរារាំងដល់ដំណើរការនៃសមត្ថភាពរបស់វ៉ាក់សាំងថែមទៀតផង។

យ៉ាងណាមិញ យោងតាមប្រសាសន៍របស់លោកវេជ្ជបណ្ឌិតថៃដ៏ល្បីបានមានប្រសាសន៍យ៉ាងដូច្នេះថា កូវីដBA.2 មិនបណ្តាលឱ្យមានរោគសញ្ញាធ្ងន់ធ្ងរជាង BA.1 នោះទេ ប៉ុន្តែវារីករាលដាលកាន់តែលឿន ហើយវានឹងបណ្តាលឱ្យមានការឆ្លងកាន់តែច្រើនផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ផងដែរថា កាលពីថ្ងៃសុក្រសប្តាហ៍មុនកន្លងទៅថ្មីៗនេះ ប្រទេសថៃបានកត់ត្រានៅអត្រាការឆ្លងCovid-19ថ្មីចំនួន១៨៨៨៥នាក់ ក្នុងរយៈពេល២៤ម៉ោងដែលក្នុងនោះមាន២២៤នាក់ជាករណីនាំចូល ស្របពេលដែលចំនួនអ្នកស្លាប់បានកើនឡើងចំនួន ២៩នាក់ ខណៈដែលអ្នកជំងឺ ១០៩៤៦ នាក់បានជាសះស្បើយនិងបានចាកចេញពីមន្ទីរពេទ្យ៕

ប្រភព៖: The National Thailand

• រូបភាព