ឯកឧត្តម សាយ សំអាល់ ថ្លែងអំណរ គុណចំពោះលោកស្រី Angelina Jolie ដែលរួមចំណែកអភិរក្សធនធានធម្មជាតិ នៅប្រទេសកម្ពុជា

ភ្នំពេញ៖ នាពេលថ្មីៗនេះ តារាសម្តែងអាមេរិក Angelina Jolie ត្រូវបានឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន សរសើរពេញៗមាត់ចំពោះ សកម្មភាពគម្រោងអភិរក្សធនធានធម្មជាតិនៅប្រទេសកម្ពុជា ដែលផ្តួចផ្តើមចេញពីតារាស្រីរូបនេះផ្ទាល់។

ដោយឡែក នៅព្រឹកថ្ងៃទី២៤ ខែកុម្ភៈ ឆ្នាំ២០២២ យោងតាមគណនីហ្វេសប៊ុកទំព័រ ក្រសួងបរិស្ថាន បានសរសេរបញ្ជាក់ថា ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានបានថ្លែងអំណរ គុណចំពោះលោកស្រី Angelina Jolie តារាភាពយន្តហូវីដដ៏ល្បីល្បាញដែលបានចូលរួមជាមួយរាជរដ្ឋាភិបាលកម្ពុជាក្នុងការការពារនិង អភិរក្សធនធានធម្មជាតិនៅតំបន់ប្រើប្រាស់ច្រើនយ៉ាងសំឡូត និងការសហការលើផ្នែកផ្សេងៗទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងការថ្លែងអំណរគុណនេះ គឺបានធ្វើឡើងក្នុងជំនួបគួរសមមួយរវាងឯកឧត្តមរដ្ឋមន្ត្រីក្រសួងបរិស្ថាន និងលោកស្រី Angelina Jolie នៅទីស្តីការក្រសួងបរិស្ថាន នៅអំឡុងលោកស្រីធ្វើទស្សនកិច្ចនៅព្រះរាជាណាចក្រកម្ពុជា។

ជាចុងក្រោយ ឯកឧត្តមរដ្ឋមន្ត្រី សាយ សំអាល់ បានគូសបញ្ជាក់ពីការបន្តកិច្ចសហការ និងការគាំទ្ររបស់ក្រសួងបរិស្ថាន ចំពោះគម្រោងអភិរក្សដែលផ្តួចផ្តើមដោយលោកស្រី Angelina Jolie៕

ប្រភព៖ ក្រសួងបរិស្ថាន

សូមចូលទស្សនារូបភាពខាងក្រោម៖