កូរ៉េខាងត្បូង៖ បើក្រឡេកមកមើលកេរ្តិ៍ឈ្មោះក្នុងអាជីពសិល្បៈបច្ចុប្បន្នរបស់តារាចម្រៀង Jennie (BLACKPINK) នាងពិតជាស័ក្តិសមសម្រាប់វិស័យនេះណាស់ ព្រោះនិយាយជារួម ទាំងសម្រស់និងសមត្ថភាពនាងមានទាំងព្រមតែម្ដង។
ដោយឡែក បើបកទៅរំឮកកាលពីពេលដែល Jennie បានចូលរួមក្នុងកិច្ចសម្ភាសន៍មួយ នាងបានបង្ហើបថា ប្រសិនបើនាងមិនមែនជា Idol អ្នកគ្រប់គ្នាផ្នែករាំច្រៀងនេះទេ នាងនឹងមានបំណងចង់ក្លាយជាមេធាវី ឬជាគ្រូបង្រៀន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើទោះបីនោះជាការគិតនិងជាបំណងរបស់តារាស្រីដ៏មានឥទ្ធិពលរូបនេះយ៉ាងណាក៏ដោយ ប៉ុន្តែបើនិយាយពីទេពកោសល្យរបស់នាងតាមការមើលឃើញផ្ទាល់ពីអ្នកគាំទ្រ គឺចង់ឲ្យ Jennie ធ្វើការងារទាំងប៉ុន្មានខាងក្រោមនេះ ព្រោះវាពិតជាសមនឹងនាងខ្លាំងបំផុត៖
១.អ្នករចនាម៉ូត
Jennie បានសហការជាមួយ Gentle Monster តាំងពីឆ្នាំ ២០២០។ ហើយឥលូវនេះ ពួកគេកំពុងរៀបចំចេញនូវ Collection វ៉ែនតាលើកទីពីរ ដែលមានការចូលរួមក្នុងដំណើរការរចនាវ៉ែនតាពី Jennie ផ្ទាល់ផងដែរ។ ហើយថ្មីៗនេះ ប្រធានផ្នែករចនារបស់ Gentle Monster បានប្រាប់ថា Jennie គឺជាមនុស្សដែលមានចិត្តក្លាហានក្នុងការរចនា។ ហើយក្នុងឆ្នាំ ២០២០ ដដែល Jennie បានសហការជាមួយ Gentle Monster ដើម្បីចាប់ផ្តើមការប្រមូល Jentle Home ហើយទទួលបានភាពជោគជ័យដ៏អស្ចារ្យ ដោយវ៉ែនតាត្រូវបានគេទិញអស់គ្មានសល់បន្ទាប់ពីបើកលក់ជាផ្លូវការតែប៉ុន្មាននាទីប៉ុណ្ណោះ។
២.អ្នកកែសម្រួល Fashion
នៅក្នុង ទស្សនាវដ្តី VOGUE Korea កាលពីខែមីនា ឆ្នាំ ២០២១ Jennie បានបង្ហាញខ្លួនជាផ្លូវការក្នុងនាមជាអ្នកកែសម្រួលម៉ូត ហើយបានដើរតួនាទីបីក្នុងពេលតែមួយគឺ អ្នកបង្កើតរូបភាព អ្នករចនាម៉ូត និងតារាបង្ហាញម៉ូត។ VOUGE Korea ដើមឡើយជាទស្សនាវដ្ដីដីគោកនៅក្នុងទឹកដីកូរ៉េ ប៉ុន្តែ Jennie បានមានឱកាសក្លាយជាអ្នកកែសម្រួលម៉ូតនៅទីនេះបាន ដូច្នេះអ្នកគាំទ្ររបស់នាងពិតជាមានមោទនភាពចំពោះនាងខ្លាំងបំផុត។
៣.តារាបង្ហាញម៉ូត
រាល់ពេលដែល Jennie ស្លៀកពាក់ ប្រើប្រាស់ផ្សាយឲ្យផលិតផលអ្វីមួយ ក៏ផលិតផលនោះត្រូវបានលក់អស់ពីស្តុកដែរ ដូច្នេះ វាមិនមែនជាការបំផ្លើសទេ ក្នុងការនិយាយថា Jennie គឺជាអ្នកកំណត់និន្នាការដ៏មានឥទ្ធិពលបំផុតនៅក្នុងប្រទេសកូរ៉េ។ ហើយនាងក៏ត្រូវបានក្រុមហ៊ុនធំៗជាច្រើន ជ្រើសរើសធ្វើជាឯកអគ្គរដ្ឋទូតប្រចាំប្រទេសដូចជា Chanel ជាដើម។ ហើយរាល់ពេលដែល Jennie បង្ហាញខ្លួននៅក្នុងកម្មវិធីបង្ហាញម៉ូត នាងតែងតែទទួលបានចំណាប់អារម្មណ៍ពីប្រព័ន្ធផ្សព្វផ្សាយ ហើយត្រូវបានគេពេញចិត្តឲ្យអង្គុយនៅជួរមុខដ៏មានកិត្យានុភាព ក្បែរតារាល្បីៗក្នុងឧស្សាហកម្មម៉ូត ក៏ដូចជានៅក្នុងពិភពកម្សាន្តផងដែរ។
ប្រភព៖ kenh14.vn
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
