ថៃ៖ រយៈពេល ២ថ្ងៃមកហើយ ដែលធ្វើឲ្យវិស័យសិល្បៈថៃមានការជ្រួលច្របល់ ដោយសារការបាត់ខ្លួនរបស់តារាសម្ដែងស្រី Tangmo Nida នៅទន្លេ Chao Phraya កាលពីវេលាម៉ោង១១យប់ ថ្ងៃទី២៤ ខែកុម្ភៈ។ ដោយតារាស្រីរូបនេះ បានធ្លា.ក់ចូលទឹកទន្លេ ខណៈកំពុងជិះទូកកម្សាន្តលេងតាមដងទន្លេ ជាមួយក្រុមមិត្តភក្តិជិតស្និទ្ធ ប្រុស៣នាក់ ស្រី៣នាក់។ ហើយរហូតមកដល់ពេលនេះ បន្ទាប់ពីការស្វែងរកអស់ ២៤ម៉ោងមកហើយ Tangmo នៅតែមិនទាន់រកឃើញឡើយ។
បើយោងតាមប្រភពទំព័រ Khaosod បានបង្ហាញរូបថតផ្តាច់មុខខ្លះៗដំបូងគេ នៃទូកដែល Tangmo និងមិត្តភក្តិជួលជិះ។ បច្ចុប្បន្នទូកនេះស្ថិតនៅចំណតមួយក្នុងខេត្ត Nonthaburi ហើយត្រូវបានអាជ្ញាធរពិនិត្យរួចរាល់ហើយ ក៏ឃើញលទ្ធផលដំបូង គឺទូកស្ថិតក្នុងសភាពធម្មតា ប៉ុន្តែគេរកឃើញស្លាកសញ្ញាពណ៌ក្រហមខ្លះៗ ដែលសង្ស័យថា ជាស្រាក្រហមដែលកំពប់នៅលើទូក ដែលទាក់ទងជាមួយរូបភាពមួយសន្លឹកចុងក្រោយដែល Tangmo បានបង្ហោះ គឺនាងមានកាន់កែវស្រាក្រហមនៅក្នុងដៃ។
ជាមួយគ្នានេះ រឿងមួយទៀតដែលអ្នកយកព័ត៌មាន Khaosod បានប្រមាញ់បាន គឺព័ត៌មានលម្អិតគួរឲ្យកត់សម្គាល់ នៅពេលដែល Tangmo មកជួលទូកដំបូងឡើយ។ ដោយអ្នកគ្រប់គ្រងនៅទីនោះបាននិយាយថា ពួកគេបានបញ្ជាក់ថា តារាស្រីរូបនេះបានមកលេងជាមួយក្រុមមិត្តភក្តិ ហើយមុនពេលមកដល់ទីនេះ ពួកគេបានញ៉ាំអាហារពេលល្ងាចជាមួយគ្នានៅភោជនីយដ្ឋានមួយម្ដុំមាត់ទន្លេ រួចហើយក៏មកទីនេះតែម្ដង។
នៅពេលកំពុងជិះទូក គេបង្ហើបឲ្យដឹងថា Tangmo នាងឈឺពោះតិចៗ ទើបនាងទៅខាងក្រោយទូក ដើម្បីទៅបន្ទប់ទឹក ព្រោះបង្គន់នៅលើទូកខូច។ តែជាធម្មតា នៅពេលដែលអ្នកដំណើរដើរទៅរកបន្ទប់ទឹកអ៊ីចឹង គួរតែប្រាប់អ្នកបើកទូកឲ្យបន្ថយល្បឿន ប៉ុន្តែអ្នកទាំងនេះបាននិយាយថាពួកគេមិនបានទទួលព័ត៌មានអ្វីទាំងអស់។ ហើយ Tangmo ត្រូវបានគេនិយាយថាប្រហែលជារអិលធ្លា.ក់ពីលើទូកអំឡុងពេលទៅបន្ទប់ទឹកនោះឯង ព្រោះផ្ទៃទូកវារអិល បូករួមទាំងនាងពាក់ស្បែកជើងកែងខ្ពស់ទៀតនោះ ទំនងជាមូលហេតុនេះហើយដែលធ្វើឲ្យតារាស្រីរូបនេះធ្លា.ក់ចូលទៅក្នុងទន្លេ៕
ប្រភព៖ kenh14.vn
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
