អ្នកណាថាអតីតស្វាមីអត់ចិត្ត? Tono Pakin ចុះទូកទាំងយប់ដើម្បីស្វែងរក Tangmo

តារាកម្សាន្ត៖ ដូចពាក្យចាស់លោកថាមាត់មនុស្សវែងជាងផ្លូវ កាលពីពេលថ្មីៗកន្លងទៅនេះ តារាសម្តែង និងជាតារាចម្រៀងប្រុសដ៏ល្បីប្រចាំប្រទេសថៃលោក Tono Pakin ត្រូវបានអ្នកលេងបណ្តញសង្គមនៅក្នុងប្រទេសថៃជាច្រើននាក់ បានផ្ទុះការរិះគន់ និងថាឲ្យចំៗក្រោយពេលដែលតារាប្រុសរូបនេះ ហាក់មិនបង្ហោះអ្វីទាំងអស់នៅលើអនឡាញ ស្របពេលដែលដំណឹងបាត់ខ្លួនរបស់អតីតភរិយាTangmo Nida កំពុងកក្រើកពេញប្រទេស។

ប៉ុន្តែកាលពីយប់មិញនេះ តារាប្រុសដែលមានប្រជាប្រិយភាព Tono Pakin បានសាងភាពភ្ញាក់ផ្អើលជាខ្លាំងដល់មហាជន ក្រោយពេលដែលតារាប្រុសថៃរូបនេះ បានចុះមកដល់កន្លែងកើតហេតុ ចូលរួមជាមួយក្រុមសមត្ថកិច្ច និងតម្រួតព្រមទាំងអ្នកមុជទឺកថៃ រួមដំណើរស្វែងរកអតីតភរិយាទាំងយប់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា តារាប្រុសថៃលោក Tono Pakin បានរៀបអាពាហ៍ពិពាហ៍ជាមួយនឹងតារាសម្តែងស្រីដ៏ល្បី Tangmo Nida កាលពីកំឡុងឆ្នាំ២០១៣កន្លងទៅ ប៉ុន្តែជាអកុសលដោយសារតែភាពរកាំរកូស និងរស់នៅមិនចុះសម្រុងអ្នកទាំងពីរក៏បានសម្រេចបញ្ចប់ទំនាក់ទំនងជាប្តីប្រពន្ធកាលពីឆ្នាំ២០១៥៕

ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ៖

• រូបភាព
• តារាថៃ